យោងតាមដំណឹងនៃការិយាល័យវិស្វកម្មយានអវកាសផ្ទុកមនុស្សនៃប្រទេសចិនបានឱ្យដឹងថា នៅវេលាម៉ោង២២និង៥១នាទី យប់ថ្ងៃទី៣ខែកក្កដា តាមម៉ោងទីក្រុងប៉េកាំង បន្ទាប់ពីចេញធ្វើសកម្មភាពនៅក្រៅបន្ទប់យានអវកាសប្រហែល៦,៥ម៉ោង ក្រុមអវកាសយានិកនៃយានអវកាសShenzhou -១៨បានបញ្ចប់ភារកិច្ចចេញពីបន្ទប់យានអវកាសជាលើកទី២ប្រកបដោយភាពជោគជ័យ។
បច្ចុប្បន្ននេះ ស្ថានីយអវកាសរបស់ប្រទេសចិនមានស្ថានភាពល្អប្រសើរ ទាំងស្ថានីយអវកាស និងអវកាសយានិក ក៏ដូចជាការពិសោធខាងវិទ្យាសាស្ត្រផ្សេងៗ សុទ្ធតែកំពុងដំណើរការទៅមុខប្រកបដោយរបៀបរៀបរយតាមគ្រោងទុក។ រហូតមកដល់បច្ចុប្បន្ននេះ "ការធ្វើបេសកកម្មនៅទីអវកាស" របស់ក្រុមអវកាសយានិកនៃយានអវកាសShenzhou -១៨សម្រេចភារកិច្ចបាន១ភាគ៣ហើយ៕