ថ្ងៃទី១ ខែកក្កដា អ្នកនាំពាក្យតំបន់រដ្ឋបាលពិសេសហុងកុងបានប្រកាសថា រដ្ឋាភិបាលមជ្ឈិមចិនបានយល់ព្រមផ្តល់ខ្លាឃ្មុំផេនដាមួយគូទៀតដល់តំបន់រដ្ឋបាលពិសេសហុងកុង។តំបន់រដ្ឋបាលពិសេសសូមថ្លែងអំណរគុណរដ្ឋាភិបាលមជ្ឈិម ហើយបានចាប់ផ្តើមត្រៀមលក្ខណៈដើម្បីស្វាគមន៍ខ្លាឃ្មុំផេនដាមកកាន់ហុងកុង។
លោក Lee Ka Chiu John ប្រធានរដ្ឋបាលនៃតំបន់រដ្ឋបាលពិសេសហុងកុងបានថ្លែងថា សូមថ្លែងអំណរគុណយ៉ាងស្មោះចំពោះរដ្ឋាភិបាលមជ្ឈិមដែលបានផ្តល់ខ្លាឃ្មុំផេនដាមួយគូទៀតដល់តំបន់រដ្ឋបាលពិសេសហុងកុង ដែលបង្ហាញយ៉ាងពេញលេញពីការយកចិត្តទុកដាក់ និងការគាំទ្រចំពោះតំបន់រដ្ឋបាលពិសេសហុងកុង។ឆ្នាំនេះគឺជាខួប៧៥ឆ្នាំនៃការបង្កើតសាធារណរដ្ឋប្រជាមានិតចិន វាមានអត្ថន័យជាពិសេសដែលរដ្ឋាភិបាលមជ្ឈិមផ្តល់ខ្លាឃ្មុំផេនដាឱ្យតំបន់រដ្ឋបាលពិសេសហុងកុង។តំបន់រដ្ឋបាលពិសេសហុងកុងនឹងខិតខំ ត្រៀមលក្ខណៈដើម្បីស្វាគមន៍ខ្លាឃ្មុំផេនដា៕