កូរ៉េខាងត្បូងបានប្រកាសនៅថ្ងៃទី២៧ខែមិថុនាថា ថ្ងៃដដែល ភាគីទាំងបីរួមមានកូរ៉េខាងត្បូង សហរដ្ឋអាមេរិក និងជប៉ុនបានធ្វើសមយុទ្ធយោធា “សេរីភាពនៃមុខកាំបិត” ជាលើកទីមួយក្នុងដែនសមុទ្រសាធារណៈស្ថិតនៅភាគខាងត្បូងកោះJeju ដែលមានរយៈពេល៣ថ្ងៃ។
ទីភ្នាក់ងារសារព័ត៌មាន Yonhap ផ្សាយដំណឹងថា សមយុទ្ធយោធា លើកនេះគ្រប់ដណ្តប់ទាំងដែនសមុទ្រ ដែនអាកាស និងបណ្តាញអ៊ឺនធើណេត ។ ក្នុងអំឡុងពេលធ្វើសមយុទ្ធ ប្រទេសទាំងបីនឹងហាត់សមលើការប្រឆាំងមីស៊ីលលើដែនសមុទ្រ ការប្រឆាំងនាវាមុជទឹក ការការពារតាមដែនអាកាស ការរុករកនិងជួយសង្គ្រោះ ការស្ទាក់តាមដែនសមុទ្រ និងការការពារតាមបណ្តាញអ៊ីនធើណេតជាដើម។
ភាគីកូរ៉េខាងត្បូងបានបន្ថែមថា នាវាចម្បាំងនិងយន្តហោះចម្បាំងច្រើនប្រភេទរបស់កូរ៉េខាងត្បូង អាមេរិកនិងជប៉ុនបានចូលរួមសមយុទ្ធនេះ ក្នុងនោះបូករួមទាំងនាវាផ្ទុកយន្តហោះដើរដោយថាមពលនុយក្លេអ៊ែរអាមេរិកឈ្មោះ “Theodore Roosevelt” ផងដែរ៕