តាមការផ្សាយដំណឹងនៃទីភ្នាក់ងារសារព័ត៌មានEFEឱ្យដឹងថា ថ្ងៃទី២១ខែមិថុនាតាមម៉ោងក្នុងតំបន់ ក្រសួងការបរទេសគុយបាបានប្រកាសថា គុយបាបានសម្រេចចិត្តចូលរួមក្នុងជួរជាមួយអាហ្វ្រិកខាងត្បូងដើម្បីចោទប្តឹងអ៊ីស្រាអែលពីបទ"ប្រល័យពូជសាសន៍"នៅតំបន់ហ្កាហ្សាទៅកាន់តុលាការអន្តរជាតិរបស់អង្គការសហប្រជាជាតិ។
តាមការផ្សាយដំណឹងឱ្យដឹងថា ថ្ងៃដដែល ក្រសួងការបរទេសគុយបាបានលើកឡើងនៅក្នុងសេចក្តីថ្លែងការណ៍ថា គុយបាបានសម្រេចចិត្ត"ខំប្រឹងឱ្យអស់ពីសមត្ថភាពដើម្បីគាំទ្រនិងជំរុញកិច្ចខិតខំប្រឹងប្រែងស្របច្បាប់របស់សហគមន៍អន្តរជាតិក្នុងការបញ្ចប់ការប្រល័យពូជសាសន៍ចំពោះប្រជាជនប៉ាឡេស្ទីន"។
រដ្ឋាភិបាលគុយបាបានអះអាងថា អ៊ីស្រាអែលមិនអើពើនឹងការកំណត់ពាក់ព័ន្ធនៃ《អនុសញ្ញាទីបួនក្រុងហ្សឺណែវ 》ហើយត្រូវបានការពារដោយសារជា"អ្នកសមគំនិតជាមួយរដ្ឋាភិបាលអាមេរិក"។
នៅខែធ្នូឆ្នាំ២០២៣ អាហ្រ្វិកខាងត្បូងបានដាក់ពាក្យប្តឹងទៅតុលាការអន្តរជាតិដោយចោទប្រកាន់អ៊ីស្រាអែលថា បានប្រព្រឹត្តអំពើប្រល័យពូជសាសន៍នៅតំបន់ហ្កាហ្សា។បន្ទាប់មក ប្រទេសជាច្រើនដែលបូករួមទាំងប្រទេសឈីលីនិងអេស្បាញជាដើមបានប្រកាសចូលរួមក្នុងជួរដែលចោទប្តឹងអ៊ីស្រាអែល៕