អ្នកយកព័ត៌មានបានទទួលដំណឹងពីរដ្ឋបាលជាតិអវកាសចិនថា នៅវេលាម៉ោង៦និង២៣នាទីថ្ងៃទី២ខែមិថុនា យានចុះចតនិងយានហោះហើរនៃយានអវកាសវាស់ស្ទង់Chang'e-6 បានចុះចតដោយជោគជ័យនៅតំបន់ចុះចតតាមការគ្រោងទុក នៅអាងSouth Pole-Aitkenដែលស្ថិតនៅផ្ទៃខាងក្រោយភពព្រះចន្ទ ក្រោមការគាំទ្រពីផ្កាយរណបQueqiao-2។
ភារកិច្ចនៃយានអវកាសវាស់ស្ទង់Chang'e-6សម្រេចបាននូវការប្រមូលយកសំណាកនៅផ្ទៃខាងក្រោយភពព្រះចន្ទនិងត្រឡប់មកវិញលើកដំបូងក្នុងប្រវត្តិសាស្ត្រមនុស្សជាតិ។ បើប្រៀបធៀបនឹងភារកិច្ចនៃយានអវកាសChang'e-5ដែលសម្រេចបាននូវការប្រមូលយកសំណាកនៅផ្ទៃខាងមុខភពព្រះចន្ទនិងត្រឡប់មកវិញនៅឆ្នាំ២០២០នោះ វិស្វកម្មស្ទង់រុករកភពព្រះចន្ទលើកនេះគឺមានការច្នៃប្រឌិតថ្មីជាច្រើន មានហានិភ័យខ្ពស់និងការលំបាកយ៉ាងខ្លាំង៕