ថ្ងៃទី២៦ខែឧសភា លោកXiJinpingប្រធានរដ្ឋចិនបានផ្ញើសារសួរសុខទុក្ខជូនចំពោះលោកBobDadaeអគ្គទេសាភិបាលនៃប្រទេសពូអាស៊ីនូវែលហ្គីណេស្តីពីករណីគ្រោះមហន្តរាយបាក់ដីយ៉ាងធ្ងន់ធ្ងរនៅប្រទេសពូអាស៊ីនូវែលហ្គីណេ។
លោកXiJinpingប្រធានរដ្ឋចិនបានថ្លែងថា លោកមានការភ្ញាក់ផ្អើលយ៉ាងខ្លាំងនៅពេលទទួលដំណឹងថា គ្រោះមហន្តរាយបាក់ដីយ៉ាងធ្ងន់ធ្ងរបានកើតឡើងនៅប្រទេសពូអាស៊ីនូវែលហ្គីណេដែលបណ្តាលឱ្យមានអ្នកស្លាប់បាត់បង់ជីវិតនិងរងរបួស និងការខូចខាតទ្រព្យសម្បត្តិយ៉ាងធ្ងន់ធ្ងរ ខ្ញុំសូមតាងនាមរដ្ឋាភិបាលនិងប្រជាជនចិន សម្តែងការរំលែកទុក្ខយ៉ាងក្រៀមក្រំចំពោះជនរងគ្រោះស្លាប់បាត់បង់ជីវិត និងសម្តែងការសួរសុខទុក្ខយ៉ាងស្មោះត្រង់ចំពោះគ្រួសាររបស់ជនរងគ្រោះនិងអ្នករងរបួស។ ខ្ញុំជឿជាក់ថា ប្រទេសពូអាស៊ីនូវែលហ្គីណេមុខជានឹងយកឈ្នះលើការលំបាក និងស្តារអ្នករងរបួសឡើងវិញ ភាគីចិននឹងផ្តល់ជំនួយចំពោះរឿងនេះ៕