លោកMahmoud Abbasប្រធានាធិបតីប៉ាឡេស្ទីនបានថ្លែងថា អង្គការក្តាប់អំណាចជាតិប៉ាឡេស្ទីននឹងគិតពិចារណាឡើងវិញនូវទំនាក់ទំនងជាមួយអាមេរិក។
ថ្ងៃទី២០ខែមេសាតាមម៉ោងក្នុងតំបន់ លោកAbbas បានថ្លែងនៅពេលផ្តល់បទសម្ភាសន៍ជាមួយទីភ្នាក់ងារសារព័ត៌មានប៉ាឡេស្ទីនថា បន្ទាប់ពីអាមេរិកបានបោះឆ្នោតវេតូលើសេចក្តីព្រាងនៃសេចក្តីសម្រេចចិត្តស្តីពីការស្នើសុំចូលជាសមាជិកជាផ្លូវការរបស់អង្គការសហប្រជាជាតិរបស់ប៉ាឡេស្ទីន អង្គការក្តាប់អំណាចជាតិប៉ាឡេស្ទីននឹងគិតពិចារណាឡើងវិញនូវទំនាក់ទំនងទ្វេភាគីជាមួយអាមេរិក។ លោក Abbasបានលើកឡើងថា លោកបានចេញការព្រមាននេះក្នុងអំឡុងពេលលោកBidenកាន់តំណែងជាប្រធានាធិបតីអាមេរិក ប៉ុន្តែលោកមិនបានអនុវត្តទេ។
លោកAbbasក៏បានលើកឡើងដែរថា អាមេរិកបានល្មើសនឹងច្បាប់អន្តរជាតិ ហើយបានបោះបង់ចោលកិច្ចសន្យាទាំងអស់ដែលពាក់ព័ន្ធនឹង"ដំណោះស្រាយរដ្ឋពីរ"និងការសម្រេចបាននូវសន្តិភាពក្នុងតំបន់នេះ។ ប្រសិនបើមិនអនុវត្តតាមដំណោះស្រាយដ៏"យុត្តិធម៌"ចំពោះការប៉ះទង្គិចរវាងអ៊ីស្រាអែលនិងប៉ាឡេស្ទីន នោះនឹងគ្មានស្ថិរភាពក្នុងតំបន់ឡើយ៕