ថ្ងៃទី១៧ខែមេសា ផ្លូវរថភ្លើងល្បឿនលឿនJakarta-Bandungបានដាក់ឱ្យដំណើរការជាផ្លូវការអស់រយៈពេលកន្លះឆ្នាំហើយ ដែលបានដឹកអ្នកដំណើរសរុបចំនួន២.៥៦លាននាក់ ហើយលំហូរអ្នកដំណើរបានលេចចេញនិន្នាការកើនឡើងយ៉ាងខ្លាំង។
យោងតាមទិន្នន័យរបស់ក្រុមហ៊ុនផ្លូវដែកចិនអន្តរជាតិមានកម្រិតឱ្យដឹងថា ចាប់តាំងពីផ្លូវរថភ្លើងល្បឿនលឿនJakarta-Bandungបានដាក់ឱ្យដំណើរការនៅថ្ងៃទី១៧ខែតុលាឆ្នាំ២០២៣មក វាបានដំណើរការប្រកបដោយសុវត្ថិភាពអស់រយៈពេល៦ខែហើយដែលបានដំណើរការជើងរថភ្លើងសរុបចំនួន៧០៥០និងដំណើរការប្រកបដោយសុវត្ថិភាពក្នុងចម្ងាយផ្លូវសរុបជាង១.២៦លានគីឡូម៉ែត្រ។
ផ្លូវរថភ្លើងល្បឿនលឿនJakarta-Bandungដែលរួមសហការសាងសង់ដោយប្រទេសទាំងពីរចិននិងឥណ្ឌូណេស៊ី បានតភ្ជាប់ទីក្រុងហ្សាការតារដ្ឋធានីឥណ្ឌូណេស៊ីនិងទីក្រុងBandungដែលជាទីក្រុងទេសចរណ៍ដ៏ល្បីឈ្មោះ វាបានកាត់បន្ថយរយៈពេលធ្វើដំណើររវាងទីក្រុងទាំងពីរពីជាង៣ម៉ោងមកនៅត្រឹមតែ៤៦នាទី ដែលបានផ្តល់មធ្យោបាយធ្វើដំណើរប្រកបដោយសុវត្ថិភាព បៃតង ប្រសិទ្ធភាពខ្ពស់និងផាសុកភាពជូនប្រជាជនឥណ្ឌូណេស៊ី៕