ថ្ងៃទី១៧ខែមេសា លោកWang Yiសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជារដ្ឋមន្ត្រីការបរទេសចិនបានជួបពិភាក្សាការងារជាមួយ
លោកស្រីTanja Fajonឧបនាយករដ្ឋមន្ត្រីនិងជារដ្ឋមន្ត្រីការបរទេសស្លូវេនីនៅទីក្រុងប៉េកាំង។
លោកWang Yiបានលើកឡើងថា ភាគីចិនសូមកោតសរសើរចំពោះរដ្ឋាភិបាលស្លូវេនីដែលយោគយល់និងគាំទ្រផលប្រយោជន៍ជាស្នូលរបស់ប្រទេសចិន ហើយប្រកាន់ខ្ជាប់នូវគោលការណ៍ចិនតែមួយ។ភាគីចិនគាំទ្រឯករាជ្យភព អធិបតេយ្យភាពនិងបូរណភាពទឹកដីរបស់ស្លូវេនី ហើយគោរពភាគីស្លូវេនីដែលដើរតាមផ្លូវអភិវឌ្ឍន៍ដែលសមស្របសភាពការណ៍ជាតិរបស់ខ្លួន។
ជាការឆ្លើយតប លោកស្រីTanja Fajonបានលើកឡើងថា ភាគីស្លូវេនីយកចិត្តទុកដាក់ខ្ពស់ចំពោះទំនាក់ទំនងជាមួយប្រទេសចិន ហើយរីករាយពង្រឹងការសម្របសម្រួលនិងកិច្ចសហប្រតិបត្តិការជាមួយភាគីចិន ក្រោមក្របខ័ណ្ឌពហុភាគី ដូចជាអង្គការសហប្រជាជាតិជាដើមដើម្បីរួមគ្នាឆ្លើយតបនឹងបញ្ហាប្រឈមសកល៕