សារមន្ទីរឈើគ្រញូងរបស់ប្រទេសចិន ដែលជាសារមន្ទីរពិសេសដំបូងគេ និងធំជាងគេនៅក្នុងប្រទេសចិន ដែលប្រមូលផ្តុំ សិក្សាស្រាវជ្រាវ តាំងបង្ហាញសិល្បៈឈើគ្រញូង និងគ្រឿងសង្ហារិមប្រពៃណីបែបបុរាណចិន។

ប្រជាជនចិនចូលចិត្តឈើគ្រញូងណាស់។ ចាប់តាំងពីសម័យរាជវង្ស Shang និង Zhouមក ឈើគ្រញូងគឺជាសម្ភារៈសម្រាប់ធ្វើគ្រឿងសង្ហារិមល្អបំផុតនៃរាជវាំង និងជាសម្ភារៈសម្រាប់ធ្វើគ្រឿងសង្ហារិមលំដាប់កំពូលនៅលើពិភពលោក។ យោងតាមកំណត់ត្រាប្រវត្តិសាស្ត្រឱ្យដឹងថា ក្នុងអំឡុងពេលរាជវង្សស៊ុយនិងថាង ប្រទេសចិនបានចាប់ផ្តើមប្រើឈើគ្រញូង ដើម្បីធ្វើគ្រឿងសង្ហារិម និងវត្ថុសិប្បកម្ម។