បន្ទាប់ពីអ៊ីរ៉ង់បំផុសការវាយប្រហារចំពោះអ៊ីស្រាអែល ប្រទេសជាច្រើនបានសម្តែងការយកចិត្តទុកដាក់យ៉ាងខ្លាំងចំពោះស្ថានការណ៍នៅមជ្ឈិមបូព៌ានៅថ្ងៃទី១៥ខែមេសាដោយបានអំពាវនាវឱ្យភាគីពាក់ព័ន្ធនានារក្សាភាពអត់ធ្មត់ ដើម្បីជៀសវាងកុំឱ្យការប៉ះទង្គិចនៅតំបន់ហ្កាហ្សារីករាលដាលទៅខាងក្រៅហើយបណ្តាលឱ្យស្ថានការណ៍ក្នុងតំបន់ឡើងកម្តៅថែមទៀត។
ថ្ងៃទី១៥ខែមេសា លោកPeskovលេខាធិការសារព័ត៌មានរបស់ប្រធានាធិបតីរុស្ស៊ីបានថ្លែងថា ភាគីរុស្ស៊ីយកចិត្តទុកដាក់យ៉ាងខ្លាំងអំពីស្ថានការណ៍ដ៏តានតឹងនៅតំបន់មជ្ឈិមបូព៌ា ហើយសូមអំពាវនាវឱ្យប្រទេសក្នុងតំបន់រក្សាភាពអត់ធ្មត់និងផ្តួចផ្តើមឱ្យដោះស្រាយការខ្វែងគំនិតគ្នាតាមផ្លូវការទូត។
ថ្ងៃដដែល លោកTamimឧបនាយករដ្ឋមន្ត្រីអ៊ីរ៉ាក់បានថ្លែងថា រដ្ឋាភិបាលអ៊ីរ៉ាក់សូមព្រមានថា ការដែលស្ថានការណ៍នៅតំបន់មជ្ឈិមបូព៌ាឡើងកម្តៅ ហើយប្រទេសពាក់ព័ន្ធធ្លាក់ចូលក្នុងសង្គ្រាម វានឹងគំរាមកំហែងដល់សន្តិភាពនិងសន្តិសុខអន្តរជាតិ។ លោកបានអំពាវនាវឱ្យភាគីពាក់ព័ន្ធទាំងអស់រក្សាភាពអត់ធ្មត់ ដើម្បីគាំពារស្ថិរភាពនិងសន្តិសុខក្នុងតំបន់ គោរពវិធីការទូតនិងសន្ធិសញ្ញាអន្តរជាតិ៕