ថ្ងៃទី១៥ខែមេសា សមាគមមុខរបរថាមពលនុយក្លេអ៊ែររបស់ចិនបានចេញផ្សាយសៀវភៅខៀវក្រោមចំណងជើងថា 《របាយការណ៍ស្តីពីការអភិវឌ្ឍថាមពលនុយក្លេអ៊ែររបស់ចិនឆ្នាំ២០២៤》 ។ សៀវភៅខៀវបានបង្ហាញថា គិតមកទល់បច្ចុប្បន្ននេះ ក្រុមម៉ាស៊ីនថាមពលអគ្គិសនីដើរដោយថាមពលនុយក្លេអ៊ែររបស់ចិនដែលកំពុងស្ថាបនាមានចំនួន២៦គ្រឿង ចំនួនក្រុមម៉ាស៊ីនដែលកំពុងស្ថាបនាបន្តឈានមុខលើពិភពលោក ។
តាមសៀវភៅខៀវបានបង្ហាញថា នៅឆ្នាំ២០២៣ ប្រទេសចិនបានអនុម័តគម្រោងអគ្គិសនីដើរដោយថាមពលនុយក្លេអ៊ែរចំនួន៥ និងចាប់ផ្តើមកសាងក្រុមម៉ាស៊ីនអគ្គិសនីដើរដោយថាមពលនុយក្លេអ៊ែរចំនួន៥គ្រឿង ។ គិតមកទល់បច្ចុប្បន្ននេះ ក្រុមម៉ាស៊ីនអគ្គិសនីដើរដោយថាមពលនុយក្លេអ៊ែររបស់ចិនដែលកំពុងស្ថាបនាមានចំនួន២៦គ្រឿង ចំណុះដំឡើងម៉ាស៊ីនអគ្គិសនីសរុបគឺ៣០៣០ម៉េកាវ៉ាត់ ដែលបន្តស្ថិតនៅលំដាប់ទីមួយលើពិភពលោក ។
ព្រមពេលជាមួយគ្នានេះ ដំណើរការប្រកបដោយសុវត្ថិភាពនៃការផ្សាយអគ្គិសនីដើរដោយថាមពលនុយក្លេអ៊ែររបស់ចិនក៏បានរក្សាកម្រិតជឿនលឿនលើផ្ទៃអន្តរជាតិផងដែរ ៕
