ភាពយន្តឯកសារស្តីពីអរិយធម៌អេកូឡូស៊ីក្រោមចំណងជើងថា 《ប្រទេសចិនដ៏ស្រស់ស្អាតបាននិងកំពុងរីកចម្រើនទៅមុខ》នឹងចាក់ផ្សាយនៅប៉ុស្តិ៍ CCTV-1 ដែលជាប៉ុស្តិ៍ចម្រុះនៃស្ថានីយទូរទស្សន៍មជ្ឈិមចិននៅវេលាម៉ោង១៨និង១០នាទីនៅថ្ងៃទី១៥ខែមេសានេះ ។ ភាពយន្តឯកសារនេះមាន៥ភាគនឹងផ្តោតលើដំណើរកសាងអរិយធម៌អេកូឡូស៊ីនៅតំបន់នានារបស់ចិន បូកសរុបបទពិសោធដ៏ជោគជ័យ ដើម្បីបង្ហាញពីការប្តេជ្ញាចិត្តដ៏មុតមាំរបស់ចិនក្នុងការកសាងប្រទេសចិនដ៏ស្រស់ស្អាតនិងប្រកាន់ខ្ជាប់ការអភិវឌ្ឍបៃតងនិងការអភិវឌ្ឍប្រកបដោយគុណភាពខ្ពស់ ក៏ដូចជាស្វែងរកដោយស៊ីជម្រៅពីតម្លៃនិងអត្ថន័យនៃការដែលមនុស្សនិងធម្មជាតិរួមរស់នៅជាមួយគ្នាសុខដុមរមនា ៕