ថ្ងៃទី៩ ខែមេសា ទីភ្នាក់ងារសារព័ត៌មានBloombergរបស់អាមេរិកបានចេញផ្សាយអត្ថបទអត្ថាធិប្បាយដោយលើកឡើង សហរដ្ឋអាមេរិកព្យាយាមចាត់វិធានការគាំពារនិយមដើម្បីរារាំងការនាំចេញផលិតផលថាមពលស្អាតរបស់ប្រទេសចិន ទង្វើនេះ ផ្ទុយនឹងគោលការណ៍សេដ្ឋកិច្ចហើយនឹងប៉ះពាល់ដល់ការឆ្លើយតបនឹងបម្រែបម្រួលអាកាសធាតុនិងការធ្វើបរិវត្តកម្មបៃតងនៃពិភពលោក។
អត្ថបទបានចែងថា ការលើកឡើងរបស់លោកស្រី Yellen រដ្ឋមន្ត្រីហិរញ្ញវត្ថុអាមេរិកដែលថា ឧស្សាហកម្មថាមពលស្អាតរបស់ប្រទេសចិនស្ថិតមានអតិរេក"ផលិតកម្ម" គឺផ្ទុយនឹងគោលការណ៍សេដ្ឋកិច្ចជាមូលដ្ឋានបំផុតមួយដែលបានលើកឡើងអស់រយៈពេលជាង ២០០ ឆ្នាំមក គឺ ៖ ទ្រឹស្តីស្តីពីឧត្តមភាពប្រៀបធៀប។ យោងតាមទ្រឹស្ដីនេះ ប្រសិនបើប្រទេសមួយអាចផលិតផលិតផលដោយតម្លៃដើមទាប ប្រទេសផ្សេងទៀតមិនគួរបង្កើតរបាំងពន្ធនោះទេ គឺគួរតែនាំចូលផលិតផលនេះ និងនាំចេញផលិតផលដែលមានឧត្តមភាពប្រៀបធៀបរបស់ខ្លួន៕