តាមទិន្នន័យដែលចេញផ្សាយដោយក្រសួងពាណិជ្ជកម្មចិនបានបង្ហាញថា ចាប់ពីខែមករាដល់ខែកុម្ភៈឆ្នាំ ២០២៤ ទំហំសរុបនៃការនាំចេញនាំចូលខាងសេវាកម្មរបស់ប្រទេសចិនមានចំនួនជាង ១,១៩ ទ្រីលានយាន់ប្រាក់ចិន គឺកើនឡើង ២២,៨% បើប្រៀបធៀបនឹងរយៈពេលដូចគ្នានៃឆ្នាំមុន។
វិស័យសេវាកម្មទេសចរណ៍មានការរីកចម្រើនយ៉ាងឆាប់រហ័ស។ ។ ចាប់ពីខែមករាដល់ខែកុម្ភៈឆ្នាំ ២០២៤ វិស័យសេវាកម្មទេសចរណ៍បន្តរក្សាបាននូវកំណើនយ៉ាងឆាប់រហ័ស ដោយមានការនាំចេញនាំចូលចំនួន ៣១៧,៩៣ ពាន់លានយាន់ប្រាក់ចិន គឺកើនឡើង ៥១,៨% ដែលក្លាយជាវិស័យធំបំផុតក្នុងពាណិជ្ជកម្មសេវាកម្ម ។
ពាណិជ្ជកម្មសេវាកម្មផ្អែកលើជំនាញមានការរីកចម្រើនយ៉ាងឆាប់រហ័ស។ ចាប់ពីខែមករាដល់ខែកុម្ភៈឆ្នាំ ២០២៤ ការនាំចេញនាំចូលសេវាកម្មផ្អែកលើជំនាញមានចំនួន ៤៦៤,៨៧ ពាន់លានយាន់ប្រាក់ចិន កើនឡើង ១៤,២% ។ ក្នុងចំណោមនោះ វិស័យដែលមានការនាំចេញសេវាកម្មផ្អែកលើជំនាញបានកើនឡើងយ៉ាងឆាប់រហ័សរួមមានថ្លៃប្រើប្រាស់ខាងកម្មសិទ្ធិបញ្ញា និងសេវាកម្មខាងវប្បធម៌និងកម្សាន្តជាលក្ខណៈបុគ្គល វិស័យដែលមានការនាំចូលសេវាកម្មផ្អែកលើជំនាញបានកើនឡើងយ៉ាងឆាប់រហ័ស គឺសេវាកម្មខាងវប្បធម៌និងកម្សាន្តជាលក្ខណៈបុគ្គល ដែលមានការកើនឡើង ៩៤,៥%៕