ថ្ងៃទី២៧ខែមីនា តាមការផ្សាយដំណឹងនៃក្រសួងសង្គ្រោះអាសន្នរុស្ស៊ីឱ្យដឹងថា ចំនួនអ្នកស្លាប់បាត់បង់ជីវិតក្នុងការវាយប្រហារដោយភេរវកម្មនៅសាលមហោស្រពតន្ត្រីស្ថិតនៅជាយក្រុងមូស្គូបានកើនឡើងដល់១៤៣នាក់។
ក្រសួងសង្គ្រោះអាសន្នរុស្ស៊ីបានធ្វើបច្ចុប្បន្នភាពបញ្ជីឈ្មោះនៃអ្នករងគ្រោះស្លាប់បាត់បង់ជីវិតក្នុងការវាយប្រហារដោយភេរវកម្មនៅលើវេបសាយរបស់ខ្លួននៅថ្ងៃដដែល។ គិតត្រឹមវេលាម៉ោង១និង ១៥នាទីថ្ងៃទី២៨ខែមីនាតាមម៉ោងប៉េកាំង បញ្ជីឈ្មោះនៃអ្នកស្លាប់បាត់បង់ជីវិតមានចំនួន១៤៣នាក់។
តាមការផ្សាយដំណឹងនៃទីភ្នាក់ងារសារព័ត៌មានTASSដែលដកស្រង់ទិន្នន័យពីមជ្ឈមណ្ឌលវេជ្ជសាស្ត្រគ្រោះមហន្តរាយរុស្ស៊ីឱ្យដឹងទៀតថា គិតត្រឹមព្រឹកថ្ងៃទី ២៧ខែមីនា ចំនួនអ្នករងរបួសក្នុងការវាយប្រហារដោយភេរវកម្មបានកើនឡើងដល់៣៦០នាក់ ក្នុងនោះមាន២០៥នាក់កំពុងទទួលការព្យាបាល៕