ថ្ងៃទី២៦ខែមីនា កិច្ចប្រជុំប្រចាំឆ្នាំ២០២៤នៃវេទិកាBoaoសម្រាប់អាស៊ីបានចាប់ដំណើរការ។វេទិកានេះមានរយៈពេល៤ថ្ងៃនិងមានអនុវេទិកាជាង៤០លើកដើម្បីធ្វើការពិគ្រោះពិភាក្សាជុំវិញប្រធានបទ"អាស៊ីនិងពិភពលោក៖ បញ្ហាប្រឈមរួមនិងទំនួលខុសត្រូវរួម"។
តាមការលើកឡើងឱ្យដឹងថា កិច្ចប្រជុំប្រចាំឆ្នាំលើកនេះ នឹងមានសកម្មភាពជាច្រើនដូចជាពិធីបើក កិច្ចសន្ទនារវាងសហគ្រិន អនុវេទិកា កិច្ចប្រជុំតុមូល និងសន្និសីទចេញផ្សាយរបាយការណ៍ជាដើម បានផ្តល់ជាវេទិកាកម្រិតខ្ពស់សម្រាប់ភាគីនានាធ្វើការផ្លាស់ប្តូរយ៉ាងស៊ីជម្រៅនិងធ្វើកិច្ចសហប្រតិបត្តិការយ៉ាងទូលំទូលាយ៕