កិច្ចប្រជុំប្រចាំឆ្នាំ២០២៤នៃវេទិកា Boao សម្រាប់អាស៊ីនឹងបើកធ្វើនៅក្រុង Boao ខេត្ត Hainan ពីថ្ងៃទី២៦ដល់ថ្ងៃទី២៩ខែមីនាខាងមុខនេះ កិច្ចប្រជុំប្រចាំឆ្នាំលើកនេះធ្វើក្រោមប្រធានបទ “អាស៊ីនិងពិភពលោក៖បញ្ហាប្រឈមរួមនិងទំនួលខុសត្រូវរួម” ដែលមាន៤វិស័យធំៗគឺ “សេដ្ឋកិច្ចពិភពលោក” “ការច្នៃប្រឌិតថ្មីខាងវិទ្យាសាស្ត្រនិងបច្ចេកវិទ្យា” “ការអភិវឌ្ឍសង្គម” និង“កិច្ចសហប្រតិបត្តិការអន្តរជាតិ” ពោលគឺសរុបទាំងអស់មានអនុវេទិកាជាង៤០លើក ។
រសៀលថ្ងៃទី២៥ខែមីនា មជ្ឈមណ្ឌលព័ត៌មាននៃវេទិកា Boao សម្រាប់អាស៊ីបានដាក់ឱ្យប្រើប្រាស់ ។ បច្ចុប្បន្ននេះ ការងារត្រៀមគ្រប់វិស័យសម្រាប់បើកធ្វើវេទិកាលើកនេះបានបញ្ចប់អស់ហើយ ៕