ក្រសួងពាណិជ្ជកម្មចិនបានដាក់ចេញ《វិធានការគ្រប់គ្រងពិសេសសម្រាប់ពាណិជ្ជកម្មសេវាកម្មឆ្លងដែន(បញ្ជីអវិជ្ជមាន) ឆ្នាំ២០២៤ 》 នៅថ្ងៃទី ២២ ខែមីនា ដែលបានបង្កើតប្រព័ន្ធគ្រប់គ្រងបញ្ជីអវិជ្ជមានសម្រាប់ពាណិជ្ជកម្មសេវាកម្មឆ្លងដែនក្នុងក្របខណ្ឌទូទាំងប្រទេស។
《វិធានការគ្រប់គ្រងពិសេសសម្រាប់ពាណិជ្ជកម្មសេវាកម្មឆ្លងដែន(បញ្ជីអវិជ្ជមាន)នៃតំបន់ពាណិជ្ជកម្មសេរីឆ្នាំ២០២៤ 》ក៏ត្រូវបានដាក់ចេញនៅថ្ងៃដដែលនោះដែរ ដែលបានធ្វើការរៀបចំឱ្យបើកចំហនៅក្នុងវិស័យមួយចំនួនដូចជានីតិសម្បទាវិជ្ជាជីវៈរូបវន្តបុគ្គល សេវាកម្មជំនាញ ហិរញ្ញវត្ថុ និងវប្បធម៌ជាដើម។
សូមបញ្ជាក់ថា បញ្ជីអវិជ្ជមានបានបែងចែកប្រភេទតាមមុខរបរឧស្សាហកម្មសេដ្ឋកិច្ចជាតិ ដែលបានរៀបចំវិធានការគ្រប់គ្រងពិសេសសម្រាប់អ្នកផ្តល់សេវានៅក្រៅប្រទេសដែលផ្តល់សេវាកម្មតាមរបៀបឆ្លងដែន។ នេះគឺជាវិធានការដ៏សំខាន់របស់ប្រទេសចិនដែលតភ្ជាប់យ៉ាងសកម្មជាមួយច្បាប់សេដ្ឋកិច្ចនិងពាណិជ្ជកម្មស្តង់ដាអន្តរជាតិ ក្នុងន័យជំរុញការបើកចំហជាប្រព័ន្ធ៕
