ទីភ្នាក់ងារព័ត៌មានប៉ាឡេស្ទីនបានផ្សាយដំណឹងនៅថ្ងៃទី ១៦ ខែមីនាថា ថ្ងៃដដែល កងទ័ពអ៊ីស្រាអែលបានទម្លាក់គ្រាប់បែកច្រើនលើកលើកន្លែងច្រើននៃតំបន់ហ្កាហ្សា យ៉ាងហោចណាស់បានបណ្តាលឱ្យមនុស្ស ១៨ នាក់ស្លាប់បាត់បង់ជីវិត។
តាមដំណឹងបានឱ្យដឹងថា កាលពីព្រលឹមថ្ងៃទី ១៦ ខែមីនា កងទ័ពអ៊ីស្រាអែលបានវាយពីលើអាកាសចំពោះលំនៅដ្ឋានច្រើនក្នុងក្រុងហ្កាហ្សា ដែលស្ថិតនៅភាគខាងជើងតំបន់ហ្កាហ្សា ដែលបណ្តាលឱ្យមនុស្សយ៉ាងហោចណាស់ ៨ នាក់ស្លាប់បាត់បង់ជីវិត និងច្រើននាក់ទៀតត្រូវកប់ក្រោមអគាររលំ។ តំបន់ជាច្រើនស្ថិតនៅភាគកណ្តាលតំបន់ហ្កាហ្សាក៏រងការវាយប្រហារច្រើលលើកពីកងទ័ពអ៊ីស្រាអែលផងដែរនៅថ្ងៃដដែល ដែលបានបណ្តាលឱ្យមនុស្សយ៉ាងហោចណាស់ ៧ នាក់ស្លាប់បាត់បង់ជីវិត និង ១០ នាក់ទៀតរងរបួស។ ក្រៅពីនេះ ថ្ងៃដដែល កងទ័ពអ៊ីស្រាអែលក៏បានវាយពីលើអាកាសចំពោះផ្ទះមួយនៃក្រុងរ៉ាហ្វា ដែលស្ថិតនៅភាគខាងត្បូងតំបន់ហ្កាហ្សា ដែលបណ្តាលឱ្យមនុស្ស ៣ នាក់ស្លាប់បាត់បង់ជីវិត។
យោងតាមស្ថិតិដែលស្ថាប័នសុខាភិបាលតំបន់ហ្កាហ្សាប្រកាសនៅថ្ងៃទី ១៦ ខែមីនាបានឱ្យដឹងថា ការវាយប្រហារនៃកងទ័ពអ៊ីស្រាអែលចំពោះតំបន់ហ្កាហ្សាក្នុងរយៈពេល២៤ម៉ោងកន្លងទៅ សរុបបានបណ្តាលឱ្យមនុស្ស ៦៣ នាក់ស្លាប់បាត់បង់ជីវិត និង ១១២ នាក់រងរបួស ។ ក្រោយពីការបំផ្ទុះប៉ះទង្គិចរវាងប៉ាឡេស្ទីននិងអ៊ីស្រាអែលជុំថ្មីពីខែតុលា ឆ្នាំ២០២៣ មក គិតត្រឹមពេលនេះ សកម្មភាពយោធាក្នុងតំបន់ហ្កាហ្សានៃអ៊ីស្រែអ៊ែលបានបណ្តាលឱ្យមនុស្ស ៣ ម៉ឺន ១៥០០ នាក់ស្លាប់បាត់បង់ជីវិត និងលើសពី ៧ ម៉ឺន ៣០០០ នាក់រងរបួស៕