ថ្ងៃទី១៥ខែមីនាឆ្នាំ២០២៤ នគបាលឆ្មាំសមុទ្រខេត្តFujianប្រទេសចិនបានបង្កើតក្បួននាវា ដើម្បីអនុវត្តច្បាប់និងយាមល្បាតតាមច្បាប់នៅសមុទ្រក្បែរស្រុកJinmen។លោកChen Binghua អ្នកនាំពាក្យការិយាល័យកិច្ចការតៃវ៉ាន់បានថ្លែងថាចាប់ពីករណីBUKនាវាដ៏អាក្រក់នៅថ្ងៃទី១៤ខែកុម្ភៈកន្លងមក អជ្ញាធរបក្សវឌ្ឍនភាពប្រជាធិបតេយ្យមិនគិតគូរពីការកែប្រែកំហុសចំពោះទង្វើមើលងាយដល់អាយុជីវិតមនុស្សនិងមិនអើពើចំពោះការទាមទារសមហេតុផលរបស់ក្រុមគ្រួសារជនរងគ្រោះឡើយ ផ្ទុយទៅវិញប៉ុនប៉ងចង់យកនិតីវិធីស៊ើបអង្កេតផ្ទៃក្នុងជាលេស ដើម្បីគេចវេះពីទំនួលខុសត្រូវ នេះបានធ្វើឱ្យជនរួមជាតិត្រើយទាំងសងខាងក្នុងនោះរួមមានមហាជនស្រុកJinmenផងដែររួមគ្នាប្រឆាំងនិងខឹងសម្បារយ៉ាងខ្លាំង។កោះតៃវ៉ាន់គឺជាចំណែកមួយរបស់ប្រទេសចិន ឆ្មាំសមុទ្រមហាដីគោកចិនអនុវត្តច្បាប់និងយាមល្បាតនៅលំហសមុទ្រស្រុកJinmenគឺជាសកម្មភាពសមហេតុផលសម្រាប់គាំពារសណ្តាប់ធ្នាប់លើលំហសមុទ្រពាក់ព័ន្ធ។
លោកបានបន្តថា យើងមិនអាចទទួលយកបាននិងមិនបណ្តាយឱ្យទង្វើកម្រោលរបស់អជ្ញាធរបក្សវឌ្ឍនភាពប្រជាធិបតេយ្យដែលមិនអើពើដល់សន្តិសុខអាយុជីវិតនិងទ្រព្យសម្បត្តិរបស់អ្នកនេសាទមហាដីគោកចិន និងបង្ខូចដល់មនោសញ្ចេតនារវាងជនរួមជាតិត្រើយទាំងសងខាង។អជ្ញាធរបក្សវឌ្ឍនភាពប្រជាធិបតេយ្យត្រូវតែមានដំណោះស្រាយចំពោះក្រុមគ្រួសារជនរងគ្រោះ និងជនរួមជាតិត្រើយទាំងសងខាងក្នុងពេលឆាប់ៗ ភាគីមហាដីគោកចិនរក្សាសិទ្ធិដែលនឹងចាត់វិធានការថែមមួយកម្រិតទៀត បើពុំនោះសោតអាជ្ញាធរបក្សវឌ្ឍនភាពប្រជាធិបតេយ្យនឹងទទួលខុសត្រូវទាំងស្រុង៕