ថ្ងៃទី ១១ ខែមីនា លោក Wang Wenbin អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទកាសែតជាប្រចាំ។
ពេលលើកឡើងអំពីការដែលប្រធានាធិបតីប៉ាគីស្ថានថ្មីបានធ្វើសច្ចាប្រណិទានឡើងកាន់មុខតំណែង លោក Wang Wenbin បានថ្លែងថា ភាគីចិនសូមចូលរួមអបអរសាទរយ៉ាងកក់ក្តៅចំពោះលោក Asif Ali Zardari ដែលបានឡើងកាន់មុខតំណែងជាប្រធានាធិបតីថ្មីរបស់ប៉ាគីស្ថាន លោក Xi Jinping ប្រធានរដ្ឋចិនក៏បានផ្ញើលិខិតអបអរសាទរចំពោះលោក Zardari ផងដែរ។ ភាគីចិនយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងចិន-ប៉ាគីស្ថាន មានឆន្ទៈរួមគ្នាធ្វើកិច្ចខិតខំជាមួយភាគីប៉ាគីស្ថាន ដើម្បីផ្សព្វផ្សាយចំណងមិត្តភាពប្រពៃណី ជំរុញកិច្ចសហប្រតិបត្តិការក្នុងគ្រប់វិស័យ ជំរុញឱ្យទំនាក់ទំនងភាពជាដៃគូសហប្រតិបត្តិការជាយុទ្ធសាស្ត្រគ្រប់កាលៈទេសៈរវាងចិននិងប៉ាគីស្ថានទទួលបានការរីកចម្រើនកាន់តែខ្លាំង ដើម្បីពន្លឿនការបង្កើតសហគមន៍រួមវាសនាចិន-ប៉ាគីស្ថានដែលមានភាពកាន់តែស្អិតល្មួតក្នុងយុគសម័យថ្មី ៕