កាលពីថ្ងៃទី ១១ ខែមីនា តាមម៉ោងក្នុងតំបន់ នៅទីក្រុងម៉ូស្គូ រដ្ឋធានីនៃប្រទេសរុស្ស៊ី ពិធីសម្ពោធបើក "ពិព័រណ៍បេតិកភណ្ឌវប្បធម៌អរូបី Shaanxi ៖រចនាបថចិនសម័យQin" ត្រូវបានប្រារព្ធឡើងនៅមជ្ឈមណ្ឌលវប្បធម៌ចិននៅទីក្រុងម៉ូស្គូ។ ពិព័រណ៍នេះបានតាំងបង្ហាញស្នាដៃជាង ៩០ រួមមានគំនូរកសិករ គំនូរកាត់ក្រដាស និងគ្រឿងលម្អរូបសត្វខ្លាដែលធ្វើពីក្រណាត់ ដែលឆ្លុះបញ្ចាំងពីវប្បធម៌ប្រពៃណីដ៏ល្អឆ្នើម និងទំនៀមទម្លាប់ប្រជាប្រិយរបស់ខេត្ត Shaanxi ប្រទេសចិន។