«អត្ថបទដកស្រង់នៃស្នាដៃរបស់លោកXi Jinping»ជាភាសាអង់គ្លេសភាគទី ១ និងភាគទី ២ ត្រូវបានបោះពុម្ពផ្សាយដោយគ្រឹះស្ថានបោះពុម្ពផ្សាយភាសាបរទេសនាពេលថ្មីៗនេះ ហើយដាក់លក់ក្នុងនិងក្រៅប្រទេស។
«អត្ថបទដកស្រង់នៃស្នាដៃរបស់លោកXi Jinping»ភាគទី ១ និងភាគទី ២ បានប្រមូលស្នាដៃសំខាន់ៗរបស់លោកXi Jinpingប្រធានរដ្ឋចិនក្នុងអំឡុងពេលពីខែវិច្ឆិកាឆ្នាំ២០១២ដល់ខែតុលា ឆ្នាំ២០២២។ ការបោះពុម្ពផ្សាយ«អត្ថបទដកស្រង់នៃស្នាដៃរបស់លោកXi Jinping»ជាភាសាអង់គ្លេសភាគទី ១ និងភាគទី ២នឹងជួយអ្នកអានបរទេសឱ្យស្វែងយល់ជាប្រព័ន្ធនូវគំនិតសង្គមនិយមមានលក្ខណៈពិសេសចិនក្នុងយុគសម័យថ្មីរបស់លោកXi Jinping ហើយមានសារៈសំខាន់សម្រាប់ការបង្កើនការយល់ដឹងរបស់សហគមន៍អន្តរជាតិចំពោះការធ្វើទំនើបកម្មតាមបែបផែនចិននិងអរិយធម៌ទំនើបរបស់ប្រជាជាតិចិន៕