ពេលថ្មីៗនេះ លោកSzijjarto Peterរដ្ឋមន្ត្រីការបរទេសហុងគ្រីបានផ្តល់បទសម្ភាសន៍ផ្តាច់មុខជាមួយអ្នកសារព័ត៌មាននៅទីក្រុងញូវយ៉ក។ នៅពេលថ្លែងអំពីសេដ្ឋកិច្ចចិនលោកSzijjartoបានលើកឡើងថា កំណើនជាបន្តបន្ទាប់នៃសេដ្ឋកិច្ចចិន គឺជាដំណឹងល្អសម្រាប់សេដ្ឋកិច្ចពិភពលោក។
លោកSzijjartoបានលើកឡើងថា នេះមិនត្រឹមតែជាដំណឹងល្អសម្រាប់ប្រទេសចិនប៉ុណ្ណោះទេ ថែមទាំងក៏ជាដំណឹងល្អសម្រាប់ប្រទេសហុងគ្រីផងដែរ។ ប្រទេសចិនគឺជាប្រភពនាំចូលធំទីពីររបស់យើង ហើយការវិនិយោគរបស់ចិនក៏កំពុងដើរតួនាទីកាន់តែសំខាន់ឡើងៗក្នុងសេដ្ឋកិច្ចជាតិរបស់យើងដែរ។ ចិនបានរួមចំណែកយ៉ាងធំធេងក្នុងការអភិវឌ្ឍឧស្សាហកម្មរថយន្តរបស់យើង។
លោកបានគូសបញ្ជាក់ថា យើងនឹងចាត់ទុកកិច្ចសហប្រតិបត្តិការសេដ្ឋកិច្ចរវាងហុងគ្រីនិងចិន ជាសសរស្តម្ភដ៏សំខាន់បំផុតមួយនៃកំណើនសេដ្ឋកិច្ចរបស់ប្រទេសយើង។ កិច្ចសហប្រតិបត្តិការសេដ្ឋកិច្ចរបស់យើងតែងតែឈរលើមូលដ្ឋាននៃការគោរពគ្នាទៅវិញទៅមក ខ្ញុំសង្ឃឹមថា កិច្ចសហប្រតិបត្តិការបែបនេះនឹងបន្តទៅមុខទៀតនៅពេលអនាគត៕