គណៈកម្មាធិការត្រៀមរៀបចំការប្រកួតកីឡាអូឡាំពិកក្រុងប៉ារីសបានប្រកាសជាផ្លូវការចំពោះមជ្ឈដ្ឋានខាងក្រៅនៅថ្ងៃទី៨ខែមីនាថា ពិធីបើកការប្រកួតកីឡាអូឡាំពិកដែលកំពុងទទួលបានការចាប់អារម្មណ៍យ៉ាងខ្លាំងនឹងចាប់ផ្តើមនៅម៉ោង៧និង៣០នាទីយប់ថ្ងៃទី២៦ខែកក្កដាតាមម៉ោងក្នុងតំបន់។
ក្រសួងមហាផ្ទៃបារាំងបានឱ្យដឹងថា ដើម្បីធានាដល់សុវត្ថិភាព រដ្ឋាភិបាលបារាំងនឹងបិទអាកាសយានដ្ឋាននិងដែនអាកាសទាំងអស់ក្នុងរង្វង់១៥០គីឡូម៉ែត្រដែលមានទីក្រុងប៉ារីសជាចំណុចកណ្ដាល ក្នុងអំឡុងពេលមុននិងក្រោយពិធីបើក។លើសពីនេះទៅទៀត ស្ថាប័នសន្តិសុខបារាំងបានចាប់ផ្តើមធ្វើការសម្រាំងពិនិត្យហានិភ័យចំពោះមនុស្សចំនួនប្រហែល១លាននាក់ ដែលបូករួមទាំងអត្តពលិក អ្នកកាសែត ឆ្មាំសន្តិសុខឯកជននិងមនុស្សដែលស្នាក់នៅក្បែរហេដ្ឋារចនាសម្ព័ន្ធសំខាន់ៗ។
ការប្រកួតកីឡាអូឡាំពិកក្រុងប៉ារីសនឹងបើកធ្វើចាប់ពីថ្ងៃទី២៦ខែកក្កដាដល់ថ្ងៃទី១១ខែសីហាខាងមុខ ហើយការប្រកួតកីឡាប៉ារ៉ាឡាំពិកនឹងបើកធ្វើចាប់ពីថ្ងៃទី២៨ខែសីហាដល់ថ្ងៃទី៨ខែកញ្ញា៕
