ព្រឹកថ្ងៃទី៥ខែមីនា មហាសន្និបាតលើកទី២នៃសភាតំណាងប្រជាជនទូទាំងប្រទេសចិននីតិកាលទី១៤បានបើកធ្វើនៅទីក្រុងប៉េកាំង។ ឯកអគ្គរាជទូត-រដ្ឋទូតនៃប្រទេសជាច្រើនប្រចាំនៅប្រទេសចិនបានថ្លែងថា ពួកគេមានសុទិដ្ឋិនិយមចំពោះភាពរស់រវើកនិងភាពធន់នៃសេដ្ឋកិច្ចប្រទេសចិន ការអភិវឌ្ឍជានិរន្តរភាពនិងប្រកបដោយគុណភាពខ្ពស់របស់ប្រទេសចិននឹងនាំមកនូវផលប្រយោជន៍កាន់តែច្រើនដល់ពិភពលោក។
លោក İsmail Hakkı Musaឯកអគ្គរដ្ឋទូតតួកគីប្រចាំនៅប្រទេសចិនបានថ្លែងថា "ប្រទេសចិនគឺជាអ្នកចូលរួមដ៏សំខាន់ក្នុងកិច្ចការពិភពលោក បានដើរតួនាទីយ៉ាងសំខាន់ក្នុងបញ្ហាតំបន់និងពិភពលោក។ ក្នុងនាមជាអង្គភាពសេដ្ឋកិច្ចធំទីពីរលើពិភពលោកប្រទេសចិនមានទំនាក់ទំនងយ៉ាងជិតស្និទ្ធជាមួយពិភពលោក។ ការអភិវឌ្ឍរបស់ប្រទេសចិនមិនគ្រាន់តែមានសារៈសំខាន់សម្រាប់ខ្លួនឯងតែប៉ុណ្ណោះទេ ប៉ុន្តែថែមទាំងមានសារៈសំខាន់សម្រាប់ប្រទេសជិតខាងនិងតំបន់ដទៃទៀតលើពិភពលោកផងដែរ៕