កាលពីថ្ងៃទី ២៦ ខែកុម្ភៈ អ្នកនាំពាក្យក្រសួងពាណិជ្ជកម្មចិនបានឆ្លើយសំណួររបស់អ្នកសារព័ត៌មានទាក់ទងនឹងករណីដែលសហរដ្ឋអាមេរិកដាក់ទណ្ឌកម្មលើសហគ្រាសមួយចំនួនរបស់ប្រទេសចិនដោយសារហេតុផលពាក់ព័ន្ធនឹងរុស្ស៊ី។
មានអ្នកសារព័ត៌មានបានសួរថា ថ្មីៗនេះ សហរដ្ឋអាមេរិកបានដាក់ទណ្ឌកម្មលើសហគ្រាសចិនមួយចំនួនដោយសារហេតុផលពាក់ព័ន្ធនឹងរុស្ស៊ី។ តើប្រទេសចិនមានយោបល់យ៉ាងណាចំពោះករណីនេះ?
អ្នកនាំពាក្យបានឆ្លើយថា ប្រទេសចិនបានចាប់អារម្មណ៍ចំពោះករណីនេះ។ ទង្វើរបស់សហរដ្ឋអាមេរិកគឺជាការដាក់ទណ្ឌកម្មឯកតោភាគី "អំណាចដៃវែង" និងការគាបសង្កត់សេដ្ឋកិច្ចដែលបំផ្លាញដល់ច្បាប់និងសណ្តាប់ធ្នាប់ផ្នែកសេដ្ឋកិច្ចនិងពាណិជ្ជកម្មអន្តរជាតិ និងប៉ះពាល់ដល់សន្តិសុខនិងស្ថិរភាពនៃខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់សកល។ ប្រទេសចិនបានប្រឆាំងយ៉ាងម៉ឺងម៉ាត់ចំពោះរឿងនេះ ហើយនឹងចាត់វិធានការចាំបាច់ដើម្បីគាំពារយ៉ាងម៉ឺងម៉ាត់នូវសិទ្ធិនិងផលប្រយោជន៍ស្របច្បាប់របស់សហគ្រាសចិន៕