ព្រឹត្តិការណ៍កីឡាអាស៊ីប៉ារ៉ាហ្គេមលើកទី ៤ ក្រុង Hangzhou បានបើកសម្ពោធជាផ្លូវការនៅទីក្រុង Hangzhou កាលពីយប់ថ្ងៃទី ២២ ខែតុលា។  លោក Ding Xuexiang ឧបនាយករដ្ឋមន្ត្រីចិនបានអញ្ជើញចូលរួមពិធីបើក ព្រមនិងប្រកាសបើកការប្រកួត។ ព្រឹត្តិការណ៍កីឡាប៉ារ៉ាហេ្គមលើកនេះប្រារព្ធឡើងតាមគំនិត "កម្លាំងវិជ្ជមាន ភាពសុខដុមរមនា ការពង្រឹងសមត្ថភាពខ្លួនឯង និងការចែករំលែក" គឺជាព្រឹត្តិការណ៍កីឡាជនពិការអន្តរជាតិដ៏ឱឡារិកមួយទៀតដែលបានប្រារព្ធឡើងនៅប្រទេសចិន បន្ទាប់ពីព្រឹត្តិការណ៍កីឡាប៉ារ៉ាឡាំពិករដូវរងានៅទីក្រុងប៉េកាំង។ វាក៏ជាព្រឹតិ្តការណ៍កីឡាអាស៊ីដ៏អធិកអធមដែលប្រព្រឹត្តទៅតាមគំនិតស្តីពីការរៀបចំការប្រកួតកីឡាអាស៊ីនិងអាស៊ីប៉ារ៉ាហ្គេមឱ្យមានភាពអស្ចារ្យដូចគ្នាផងដែរ៕