ថ្ងៃទី ២ ខែមិថុនា លោកXi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិន បានចូលរួមពិធីសំណេះសំណាលស្តីពីការបន្តវេននិងអភិវឌ្ឍនៃវប្បធម៌នៅក្រុងប៉េកាំង ព្រមទាំងបានថ្លែងសុន្ទរកថាគន្លឹះ ។ លោកបានគូសបញ្ជាក់ថា នៅទីចាប់ផ្តើមថ្មី ការបន្តជំរុញភាពរុងរឿងខាងវប្បធម៌ កសាងប្រទេសខ្លាំងក្លាខាងវប្បធម៌ និងកសាងអរិយាធម៌សម័យទំនើបរបស់ប្រជាជាតិចិន ជាបេសកកម្មវប្បធម៌ថ្មីក្នុងយុគសម័យថ្មីរបស់យើង ។ ត្រូវប្រកាន់ខ្ជាប់យ៉ាងមុតមាំនូវជំនឿចិត្តលើវប្បធម៌របស់ខ្លួន ហ៊ានរ៉ាប់រងបេសកកម្ម ខិតខំព្យាយាមនិងហ៊ានដើរឆ្ពោះទៅមុខ រួមគ្នាខិតខំប្រឹងប្រែងបង្កើតវប្បធម៌ថ្មីរបស់យើងក្នុងយុគសម័យនេះ ដើម្បីកសាងអរិយាធម៌សម័យទំនើបរបស់ប្រជាជាតិចិន ។
ដើម្បីរៀបចំធ្វើពិធីសំណេះសំណាលលើកនេះឱ្យបានល្អ លោក Xi Jinping បានចុះត្រួតពិនិត្យការងារនៅបណ្ណសារជាតិនៃឯកសារបោះពុម្ពរបស់ប្រទេសចិននិងបណ្ឌិតសភាប្រវត្តិសាស្ត្ររបស់ប្រទេសចិនជាបន្តបន្ទាប់ ៕