តាមដំណឹងដែលចេញផ្សាយដោយវេបសាយផ្លូវការនៃក្រសួងនយោបាយកសិកម្មនិងស្បៀងអ៊ុយក្រែនកាលពីថ្ងៃទី៣១ខែឧសភា ឱ្យដឹងថា លោកSolskyរដ្ឋមន្ត្រីក្រសួងនយោបាយកសិកម្មនិងស្បៀងអ៊ុយក្រែនបានថ្លែងនៅពេលថ្មីៗថា តាមការប៉ាន់ប្រមាណ បរិមាណនាំចេញស្បៀងអាហារនិងវត្ថុធាតុដើមសម្រាប់ផលិតប្រេងឆៅរបស់អ៊ុយក្រែននៅឆ្នាំនេះមានចំនួន៤៦លានតោន ពោលគឺនឹងកាត់បន្ថយ១ភាគ៣ បើប្រៀបធៀបនឹងឆ្នាំទៅ ក្នុងនោះបរិមាណនាំចេញស្បៀងនឹងកាត់បន្ថយ៤០ភាគរយ។
ក្នុងសន្និសីទគណៈកម្មាធិការកសិកម្មនិងនេសាទអឺរ៉ុបដែលបានបើកធ្វើនៅទីក្រុងប្រ៊ុចសែល រដ្ឋធានីប្រទេសបែលហ្ស៊ិក កាលពីថ្ងៃទី២៩ដល់ថ្ងៃទី៣០ខែឧសភា លោកSolskyបានថ្លែងសុន្ទរកថាថា ហានិភ័យសំខាន់ដែលការនាំចេញកសិផលរបស់អ៊ុយក្រែនបាននិងកំពុងប្រឈមមុខ បូករួមទាំង បញ្ហាដែលប្រទេសអឺរ៉ុបមួយចំនួនបន្តចាត់វិធានការដាក់កំហិតលើការនាំចូលកសិផលអ៊ុយក្រែន ព្រមនិងច្រករបៀងនាំចេញនាំចូលស្បៀងនៅសមុទ្រខ្មៅប្រឈមមុខនឹងការបិទម្តងទៀតនៅគ្រប់ពេលវេលា។
លោកSolskyបានអំពាវនាវឱ្យសហភាពអឺរ៉ុបនិងភាគីអ៊ុយក្រែនធ្វើការពិគ្រោះពិភាក្សាស្តីពីការលុបចោលវិធានការដាក់កំហិតលើការនាំចេញកសិផលអ៊ុយក្រែន ដើម្បីស្វែងរកដំណោះស្រាយយូរអង្វែង៕