-ការបាញ់បង្ហោះយានអវកាសផ្ទុកមនុស្ស Shenzhou-16 ទទួលបានជោគជ័យយ៉ាងគាប់ប្រសើរ ។

-លោក Li Hui តំណាងពិសេសរដ្ឋាភិបាលចិនទទួលបន្ទុកកិច្ចការអឺរ៉ុប-អាស៊ីកណ្តាលបានបញ្ចប់ដំណើរទស្សនកិច្ចនៅអឺរ៉ុប ក្រសួងការបរទេសចិនថ្លែងថា លោកបានធ្វើការប្រាស្រ័យទាក់ទងនិងផ្លាស់ប្តូរមតិយោបល់យ៉ាងទូលំទូលាយជាមួយបណ្តាភាគីនានាស្តីពីការដោះស្រាយវិបត្តិអ៊ុយក្រែនតាមវិធីនយោបាយ ។

-ក្រសួងការបរទេសចិនថ្លែងថា បច្ចុប្បន្ននេះ ប្រទេសចិននិងអាហ្រ្វិកចាំបាច់ត្រូវពង្រឹងសាមគ្គីភាពនិងកិច្ចសហប្រតិបត្តិការជាងពេលណាៗទាំងអស់ ។

-ប្រព័ន្ធសារព័ត៌មានបរទេសចុះផ្សាយថា ក្រុមអ្នកតវ៉ាជនជាតិស៊ែប៊ីនៃតំបន់ Kosovo កើតមានការប៉ះទង្គិចដោយហិង្សាជាមួយកងទ័ពអង្គការណាតូ លោក Aleksandar Vucic ប្រធានាធិបតីស៊ែប៊ីបានសម្តែងអាកប្បកិរិយាអំពីរឿងនេះ ។

-មគ្គុទ្ទេសក៍កំពូលរបស់អ៊ីរ៉ង់ថ្លែងថា អ៊ីរ៉ង់រីករាយកែលម្អទំនាក់ទំនងការទូតជាមួយអេហ្ស៊ីប ។