តាមដំណឹងនៃទីភ្នាក់ងារព័ត៌មាន Reutersចេញផ្សាយនៅថ្ងៃទី២៩ខែឧសភាឱ្យដឹងថា នៅតំបន់កូសូវ៉ូ ទាហានអង្គការណាតូដែលថែរក្សាសណ្តាប់ធ្នាប់ បានកើតមានការប៉ះទង្គិចដោយហិង្សាជាមួយក្រុមអ្នកតវ៉ាជនជាតិស៊ែប៊ី មានទាហានអង្គការណាតូប្រហែល២៥នាក់រងរបួស។ ភាគីស៊ែប៊ីបានថ្លែងថាមានជនជាតិស៊ែប៊ី៥២នាក់រងរបួស។ ការផ្សាយដំណឹងបានឱ្យដឹងទៀតថា ប៉ុន្មានថ្ងៃមុននេះលោកVucicប្រធានាធិបតីស៊ែប៊ីបានដំឡើងសភាពការណ៍ត្រៀមប្រយុទ្ធរបស់កងទ័ពដល់កម្រិតខ្ពស់បំផុត។
លោកVucicប្រធានាធិបតីស៊ែប៊ីបានថ្កោលទោសលោកAlbinkurtiអ្នកដឹកនាំតំបន់កូសូវ៉ូថាបានបង្កស្ថានការណ៍តានតឹង ហើយអំពាវនាវឱ្យជនជាតិស៊ែប៊ីនៅតំបន់កូសូវ៉ូច្រៀសវាងកុំកើតមានការប៉ះទង្គិចជាមួយទាហានអង្គការណាតូ។ដោយឡែកលោកAlbinkurtiវិញបានថ្កោលទោសលោកVucicថាបានបំផ្លាញស្ថិរភាពនៃតំបន់កូសូវ៉ូ។