យប់ថ្ងៃទី ២៥ ខែឧសភា វេទិកា Zhongguancun ឆ្នាំ២០២៣ បានបើកធ្វើនៅទីក្រុងប៉េកាំង ដោយក្រោមប្រធានបទ “បើកទូលាយនិងកិច្ចសហប្រតិបត្តិការ ចែករំលែកពេលអនាគត" លោក Xi Jingping ប្រធានរដ្ឋចិនបានផ្ញើលិខិតអបអរសាទរ។ គួរបញ្ជាក់ថា លោក Xi Jingping ធ្លាប់ផ្ញើលិខិតសាទរជូនចំពោះវេទិកា Zhongguancun ជាច្រើនលើក ហើយក្នុងកាលៈទេសៈជាច្រើន លោកក៏ធ្លាប់បង្ហាញអំពីការរំពឹងទុកចំពោះអនាគតកាន់តែល្អបវររបស់មនុស្សជាតិដែលទទួលផលប្រយោជន៍ពីការរីកចម្រើននៃបច្ចេកវិទ្យា។
អំពីការបើកទូលាយ លោក Xi Jingping បានមានប្រសាសន៍ថា៖
«មនុស្សជាតិបើចង់ដោះស្រាយបញ្ហាលំបាកដែលប្រឈមរួមក្នុងការអភិវឌ្ឍ ត្រូវការកិច្ចសហប្រតិបត្តិការអន្តរជាតិនិងការបើកទូលាយការចែករំលែក»
អំពីការធ្វើកិច្ចសហប្រតិបត្តិការ លោក Xi Jingping បានមានប្រសាសន៍ថា៖
«ការសម្រេចទំនើបកម្មជាសុបិនរួមរបស់ប្រជាជនបណ្តាប្រទេសលើពិភពលោក។ ភាគីចិនមានឆន្ទៈរួមជាមួយគ្រប់បណ្តាប្រទេស ដើម្បីខិតខំផ្តល់កាលានុវត្តភាពថ្មីដល់ការអភិវឌ្ឍជាសកលតាមរយៈការធ្វើទំនើបកម្មតាមបែបផែនចិន។»
អំពីការចែករំលែក លោក Xi Jingping បានមានប្រសាសន៍ថា៖
«ការសម្រេចបាននូវការអភិវឌ្ឍន៍ជាសកលដ៏ខ្លាំងក្លា បៃតង និងនិរន្តរភាព ជាក្ដីប្រាថ្នារួមរបស់ប្រជាជនគ្រប់ប្រទេសលើពិភពលោក។»
«បច្ចេកវិទ្យាជាកម្លាំងផលិតលំដាប់ទីមួយ ធនធានមនុស្សជាធនធានសំខាន់លំដាប់ទីមួយ ការធ្វើច្នៃប្រឌិតថ្មីជាកម្លាំងចលករលំដាប់ទីមួយ។»
អំពីអនាគត លោក Xi Jingping បានមានប្រសាសន៍ថា៖
«នៅពិភពលោកនាពេលបច្ចុប្បន្ន ការអភិវឌ្ឍបច្ចេកទេសនិងវិទ្យាសាស្ត្រចាំបាច់ត្រូវផ្តោតយ៉ាងខ្លាំងលើតម្រូវការរបស់ការផលិតនិងជីវភាពរស់នៅរបស់ប្រជាជន ។»
«គួរសម្របនឹងការរួមរស់ដោយសុខដុមរមនារវាងមនុស្សជាតិនិងធម្មជាតិ ប្រមូលផ្តុំនូវកត្តាច្នៃប្រឌិតថ្មីពីទូទាំងពិភពលោកប្រកបដោយប្រសិទ្ធភាពខ្ពស់ ដើម្បីជំរុញឱ្យផលិតកម្មសម្រេចបាននូវភាពវៃឆ្លាតភាវូបនីយកម្ម បៃតងភាវូបនីយកម្ម និងសមាហរណកម្ម៕»