ថ្ងៃទី២៦ ខែឧសភា ពិព័រណ៍បច្ចេកវិទ្យានៃវេទិកាZhongguancunឆ្នាំ២០២៣បានត្រូវរៀបចំធ្វើឡើងនៅក្រុងប៉េកាំង។   ផ្តោតលើយុទ្ធសាស្ត្រជាតិដែលអភិវឌ្ឍន៍ដោយការច្នៃប្រឌិតចិន  ពិព័រណ៍បច្ចេកវិទ្យាលើកនេះចែកជាពីរផ្នែក ពោលគឺ “ពិព័រណ៍បច្ចេកវិទ្យាជឿនលឿននិងឧស្សាហកម្មអនាគត ”  និង “ពិព័រណ៍ប្រធានបទ”។ កន្លែងតាំងពិព័រណ៍មានទំហំ២ម៉ឺន ៧ពាន់ម៉ែត្រការ៉េ  ដែលចែកជាសាលពិព័រណ៍ក្រោមប្រធានបទខុសៗគ្នា  ដូចជា បៃតង កាបូនទាប    កាបូនអព្យាក្រឹត  , បញ្ញាសិប្បនិម្មិត,    ការផលិតវិស័យជឿនលឿន , ដ្រូន , Metaverse,   ការច្នៃប្រឌិតថ្មីនិងសហប្រតិបត្តិការក្នុងតំបន់  សេដ្ឋកិច្ចឌីជីថលជាដើម ដែលជាផលិតផលបច្ចេកវិទ្យាជឿនលឿននិងសមិទ្ធផលការរីកចម្រើនក្នុងការស្រាវជ្រាវវិស័យទាំងនេះបានត្រូវតាំងបង្ហាញក្នុងពិព័រណ៍ ក្នុងនោះបច្ចេកវិទ្យាដើមរបស់ប្រទេសចិនមានចំនួនមិនតិចទេ។ តាមការផ្សាយដំណឹងបានឱ្យដឹងថា  សហគ្រាសនិងអង្គការជាតិនិងអន្តរជាតិចំនួនលើសពី៦៥០បានចុះឈ្មោះចូលរួមពិព័រណ៍លើកនេះ  ក្នុងនោះរួមមានអង្គការវិនិយោគទុនបរទេសចំនួនប្រហែល១៦០  និងសហគ្រាសនាំមុខខាងបច្ចេកវិទ្យារបស់ចិនចំនួនជាង៣០។ ពិព័រណ៍នេះនឹងធ្វើរហូតដល់ថ្ងៃទី៣០ខែឧសភាខាងមុខនេះ។ផលិតផលដែលបណ្តាសហគ្រាសបាននាំមកគឺជាផលិតផលបច្ចេកវិទ្យាជឿនលឿននិងថ្មីបំផុតរបស់ខ្លួន ដើម្បីផ្សព្វផ្សាយទៅកាន់ពិភពលោកតាមរយៈឱកាសនេះ៕