ថ្ងៃទី២៣ ខែឧសភា លោកស្រីMao Ning អ្នកនាំពាក្យក្រសួងការបរទេសចិនបានឆ្លើយសំណួរក្នុងសន្និសីទសារព័ត៌មានជាប្រចាំថា សង្ឃឹមថាសហរដ្ឋអាមេរិកនឹងអនុវត្តគោលនយោបាយហិរញ្ញវត្ថុនិងរូបិយវត្ថុប្រកបដោយការទទួលខុសត្រូវ ហើយកុំផ្ទេរហានិភ័យរបស់អាមេរិកទៅកាន់ពិភពលោក និងកុំគាំពារផលប្រយោជន៍ខ្លួនតាមរយៈការប៉ះពាល់ដល់ផលប្រយោជន៍របស់ពិភពលោក។
តាមដំណឹងឱ្យដឹងថា លោកស្រីYellen រដ្ឋមន្ត្រីក្រសួងហិរញ្ញវត្ថុអាមេរិកបានសរសេរក្នុងលិខិតដែលផ្ញើជូនថ្នាក់ដឹកនាំរបស់សភាសហរដ្ឋអាមេរិកកាលពីថ្មីៗថា ប្រសិនបើសភាអាមេរិកមិនអាចលើកកម្ពស់ឬផ្អាកដែនកំណត់ខ្ពស់បំផុតនៃបំណុលមុនពេលថ្ងៃទី១ ខែមិថុនានោះទេ រដ្ឋមន្ត្រីក្រសួងហិរញ្ញវត្ថុអាមេរិកនឹងមិនអាចគាំទ្រវិក័យប័ត្ររដ្ឋាភិបាលបានទេ។
លោកស្រីMao Ning បានចង្អុលបង្ហាញថា ដែនកំណត់ខ្ពស់បំផុតនៃបំណុលជាតិគឺជាកិច្ចការផ្ទៃក្នុងរបស់អាមេរិក ប៉ុន្កែ សហរដ្ឋអាមេរិកក្នុងនាមជាអង្គភាពសេដ្ឋកិច្ចធំជាងគេនៅលើពិភពលោក សភាពការណ៍ជាតិនិងការជ្រើសរើសគោលនយោបាយរបស់ខ្លួនជះឥទ្ធិពលលេចធ្លោចំពោះសេដ្ឋកិច្ចសកល៕