ក្រសួងពាណិជ្ជកម្មចិនបានប្រកាសទិន្នន័យកាលពីថ្ងៃទី ២២ ខែឧសភាថា ពីខែមករា ដល់ខែមេសាឆ្នាំនេះ ការវិនិយោគនៅបរទេសរបស់ចិនបានកើនឡើងជាបន្តបន្ទាប់ ក្នុងនោះ ការវិនិយោគផ្ទាល់មិនមែនហិរញ្ញវត្ថុនៅបរទេសមានចំនួន ២៨៩២៩០ លានយន់ប្រាក់ចិន ដែលបានកើនឡើង ២៦.៦% បើធៀបនឹងឆ្នាំ២០២៣ ។ (ស្មើនឹង ៤២១៩០ លានដុល្លារអាមេរិក និងកើនឡើង ១៧.៦%បើធៀបនឹងឆ្នាំ២០២៣ ) ។
ទិន្នន័យបានបង្ហាញថា ចាប់ពីខែមករា ដល់ខែមេសា សហគ្រាសចិនបានធ្វើការវិនិយោគផ្ទាល់មិនមែនហិរញ្ញវត្ថុចំនួន ៧៥៣០ លានដុល្លារអាមេរិកក្នុងបណ្តាប្រទេសនៅតាមបណ្តោយ "ខ្សែក្រវាត់ និងផ្លូវ" ដែលកើនឡើង ៩% បើធៀបនឹងឆ្នាំ២០២៣ និងត្រូវជា១៧.៨ % នៃចំនួនសរុបនារយៈពេលដូចគ្នានាឆ្នាំមុន ។
សូមបញ្ជាក់ថា ក្នុងរយៈពេលដូចគ្នានេះ សហគ្រាសចិនបានបញ្ចប់កិច្ចសន្យាក្នុងទំហំទឹកប្រាក់ចំនួន ២៣០៥០ លានដុល្លារអាមេរិកសម្រាប់គម្រោងវិស្វកម្មនៅក្នុងបណ្តាប្រទេសតាមបណ្តោយ “ខ្សែក្រវាត់ និងផ្លូវ” ព្រមទាំងបានចុះកិច្ចសន្យាថ្មីដែលមានតម្លៃ ២៩៧៤០ លានដុល្លារអាមេរិក ដែលស្មើនឹង ៥៤.៩% និង ៥០.២% នៃចំនួនសរុបនៅក្នុងរយៈពេលដូចគ្នាដោយឡែកពីគ្នា ៕
