ថ្ងៃទី១៣ ខែឧសភា កិច្ចប្រជុំរដ្ឋមន្ត្រីក្រសួងហិរញ្ញវត្ថុនិងទេសាភិបាលធនាគារជាតិនៃក្រុមប្រទេសG7 បានបិទបញ្ចប់នៅជប៉ុន។ អ្នកកាសែតបានមើលឃើញថា ក្នុងសេចក្តីប្រកាសដែលបានចេញផ្សាយមិនបានលើកឡើងផ្ទាល់អំពីសភាពការណ៍ជាប់គាំងនៃកម្រិតអតិបរមានៃបំណុលជាតិអាមេរិកទេ គ្រាន់តែផ្តោតសំខាន់លើបញ្ហាដូចជាស្ថិរភាពហិរញ្ញវត្ថុសកល និងអតិផរណាសកលជាដើម។
លោកស្រីJanet Yellen រដ្ឋមន្ត្រីហិរញ្ញវត្ថុអាមេរិកបានព្រមានថា បើសិនជារដ្ឋសភាអាមេរិកមិនដំឡើងទំហំប្រាក់កម្ចីអតិបរមាទេ នោះរដ្ឋាភិបាលសហព័ន្ធប្រហែលនឹងត្រូវល្មើសកិច្ចសន្យាជាលើកទីមួយនៅថ្ងៃទី១ ខែមិថុនាខាងមុខនេះ។
នៅពេលមុននេះ អង្គការមូលនិធិរូបិយវត្ថុអន្តរជាតិក៏បានព្រមានថា បើសិនជាក្រុមមេដឹកនាំអាមេរិកមិនអាចដោះស្រាយសភាពការណ៍ជាប់គាំងខាងនយោបាយនៃការពន្យារពេលធ្វើការចរចាអំពីទំហំប្រាក់កម្ចីអតិបរមាទេ នោះសេដ្ឋកិច្ចពិភពលោកនឹងរងផលប៉ះពាល់៕
