កិច្ចប្រជុំកំពូល G7 ជិតនឹងបើកធ្វើនៅក្រុង Hiroshima របស់ជប៉ុន កាលពីថ្ងៃទី១៣ខែឧសភា លោក Fumio Kishida នាយករដ្ឋមន្ត្រីជប៉ុនបានចុះត្រួតពិនិត្យសភាពការណ៍ត្រៀមបម្រុងនៃកិច្ចប្រជុំកំពូលនៅក្រុង Hiroshima ប្រជាជនជប៉ុនបានរៀបចំមីទ្ទីងនៅក្រុង Hiroshima នៅថ្ងៃដដែល ដើម្បីប្រឆាំងយ៉ាងខ្លាំងចំពោះកិច្ចប្រជុំកំពូល G7 ដែលនឹងបើកធ្វើនៅក្រុង Hiroshima ។

ថ្ងៃដដែល ប្រជាជនប្រហែល២០០នាក់បានចូលរួមមីទ្ទីងដែលធ្វើឡើងដើម្បីប្រឆាំងនឹងកិច្ចប្រជុំកំពូលលើកនេះក្រោមតំណក់ទឹកភ្លៀង ។ ក្នុងកន្លែងរៀបចំមីទ្ទីង ពាក្យស្លោកដូចជា “មិនត្រូវការកិច្ចប្រជុំកំពូល G7 ”ជាដើមគឺលេចធ្លោចាប់ភ្នែកណាស់ ។

សេចក្តីប្រកាសដែលចេញផ្សាយដោយមីទ្ទីងលើកនេះបានលើកឡើងថា កិច្ចប្រជុំកំពូល G7 ជ្រោងទង់ “សេរីភាពនិងប្រជាធិបតេយ្យ” តែតាមការពិតគឺបង្កើត“សម្ព័ន្ធយោធា” ដូច្នេះ ធាតុពិតនៃកិច្ចប្រជុំកំពូលលើកនេះ គឺជាកិច្ចប្រជុំដែល“ប្រទេសធំៗក្នុងចំណោមរដ្ឋសមាជិក G7 បង្ខំឱ្យប្រទេសដទៃទៀតស្តាប់បង្គាប់របស់ខ្លួន” ។

អ្នករៀបចំមីទ្ទីងលើកនេះបានថ្លែងថា ពួកគេនឹងចេញដំណើរពីសួនឧទ្យានរំលឹកសន្តិភាពនៃក្រុង Hiroshima នៅថ្ងៃទី១៤ខែឧសភា ដើម្បីរៀបចំសកម្មភាពតវ៉ាតាមវិថី ៕