ថ្ងៃទី៥ខែឧសភា “យន្តការអ្នកជំនាញឯករាជ្យអន្តរជាតិដើម្បីជំរុញយុត្តិធម៌និងសមភាពពូជសាស៍ក្នុងការងារអនុវត្តច្បាប់”នៃអង្គការសហប្រជាជាតិបានចេញសេចក្តីប្រកាសព័ត៌មាន ដោយអំពាវនាវឱ្យអាមេរិកបង្កើនកម្លាំងក្នុងដំណោះស្រាយបញ្ហាវិសមភាពពូជសាសន៍ក្នុងការអនុវត្តច្បាប់ជាដើម។
ចាប់ពីថ្ងៃទី២៤ខែមេសាដល់ថ្ងៃទី៥ខែឧសភា ក្រុមការងារនេះបានបំពេញទស្សនកិច្ចនៅទីក្រុងវ៉ាស៊ីនតោន ទីក្រុងអាត្លង់តា ទីក្រុងLosAngelesទីក្រុងឈីកាហ្គោ ទីក្រុងMinneapolisនិងទីក្រុងញូវយ៉ក។ បន្ទាប់ពីបញ្ចប់ដំណើរទស្សនកិច្ច នៅថ្ងៃទី៥ខែឧសភា ក្រុមការងារបានចេញសេចក្តីប្រកាសដោយចង្អុលបង្ហាញថា របបទាសករបានបន្សល់ទុកនូវស្នាមរបួសយ៉ាងស៊ីជម្រៅនិងយូរអង្វែងដល់អាមេរិក ការរើសអើងពូជសាសន៍បានជ្រាបចូលការប្រាស្រ័យទាក់ទងទាំងអស់ជាមួយស្ថាប័ន្ធអនុវត្តច្បាប់។
សេចក្តីប្រកាសព័ត៌មានបានចែងថា ក្នុងរដ្ឋខ្លះនៅអាមេរិក អ្នកផងទាំងពួងតែងតែជួបប្រទះការរើសអើងពូជសាសន៍ជាលើកដំបូងនៅសាលារៀន ដែលបូករួមទាំង ការកំណត់ពូជសាសន៍ ការចាប់ខ្លួន ការឃុំខ្លួន ការកាត់ទោសនិងការដកសិទ្ធិប្រជាពលរដ្ឋជាដើម។ មិនថានិយាយពីផ្នែកណាក៏ដោយ ក៏ទិន្នន័យដែលមានស្រាប់សុទ្ធតែបានបង្ហាញឱ្យឃើញថា ប្រការនេះបានជះឥទ្ធិពលមិនសមាមាត្រដល់ពលរដ្ឋដើមកំណើតអាហ្វ្រិក។
សេចក្តីប្រកាសព័ត៌មានបានចែងទៀតថា បញ្ហាជាបន្ទាន់នាពេលបច្ចុប្បន្ន គឺត្រូវដោះស្រាយនិងលុបបំបាត់ចោលឥទ្ធិពលរបស់វដ្តនៃភាពក្រីក្រចំពោះពលរដ្ឋដើមកំណើតអាហ្វ្រិក ដែលបូករួមទាំងការចាត់វិធានការទប់ទល់ ដោយឈរលើមូលដ្ឋាននៃសិទ្ធិមុនស្ស ដើម្បីដោះស្រាយបញ្ហា ដូចជាភាពក្រីក្រ គ្មានទីស្នាក់នៅ ការប្រើប្រាស់ថ្នាំដោយផ្តេសផ្តាស និងជំងឺផ្លូវចិត្តជាដើម។