ថ្ងៃទី៥ខែឧសភា ការប្រកួតកីឡាស៊ីហ្គេមលើកទី៣២ បានសម្ពោធបើកនៅពហុកីឡដ្ឋានជាតិមរតកតេជោស្ថិតនៅរាជធានីភ្នំពេញនៃប្រទេសកម្ពុជា ។ នេះជាលើកទីមួយដែលប្រទេសកម្ពុជាបានរៀបចំការប្រកួតកីឡាចម្រុះថ្នាក់តំបន់អាស៊ីអាគ្នេយ៍ដែលត្រូវរៀបចំឡើងក្នុងរាល់ពីរឆ្នាំម្តង ។
ការប្រកួតកីឡាស៊ីហ្គេមលើកនេះ ធ្វើក្រោមពាក្យស្លោក“កីឡារស់នៅក្នុងសន្តិភាព”។ ពិធីសម្ពោធបើកនាពេលយប់ រួមមាន ការសម្តែងសិល្បៈនិងភ្លើងពណ៌ដែលរំលេចពីប្រវត្តិសាស្ត្រកម្ពុជា ព្រមនិងពិធីដង្ហែអត្តពលិកចូលក្នុងកីឡដ្ឋាន និងដុតភ្លើងគប់ធំជាដើម សម្តេចហ៊ុនសែននាយករដ្ឋមន្ត្រីកម្ពុជាបានធ្វើជាអធិបតីក្នុងពិធីសម្ពោធបើក ។ សម្តេចហ៊ុនសែនបានមានប្រសាស៍ថា កីឡារស់នៅក្នុងសន្តិភាព សន្តិភាពគឺដើម្បីទាំងអស់គ្នា ទាំងអស់គ្នាដើម្បីសន្តិភាព។
ការប្រកួតកីឡាស៊ីហ្គេមលើកនេះ រួមមានការចូលរួមពីអត្តពលិក គ្រូបង្វឹក អាជ្ញាកណ្តាលនិងមន្ត្រីប្រតិភូចំនួនជាង១ម៉ឺននាក់ដែលមកពី១១ប្រទេសក្នុងតំបន់អាស៊ីអាគ្នេយ៍ ៕