ថ្ងៃទី៥ខែឧសភា លោកស្រីMaoNingអ្នកនាំពាក្យក្រសួងការបរទេសចិនបានថ្លែងនៅទីក្រុងប៉េកាំងថា អ្នកនយោបាយនិងប្រព័ន្ធសារព័ត៌មានខ្លះនៃប្រទេសកាណាដា បាននាំគ្នាឃោសនាបំប៉ោងអ្វីដែលហៅថា“ភាគីចិនបានធ្វើការគំរាមកំហែងសមាជិកសភាកាណាដា” វាគឺជាពាក្យសំដីដែលគ្មានភស្តុតាងអ្វីទាល់តែសោះ គឺជាឆាកល្ខោននយោបាយដែលកើតចេញពីការលម្អៀងខាងមនោគមវិជ្ជា។
នៅពេលឆ្លើយសំណួរពាក់ព័ន្ធ លោកស្រីMaoNingបានថ្លែងថា ភាគីកាណាដាបានមួលបង្កាច់និងលាបពណ៌ចំពោះការបំពេញភារកិច្ចជាប្រក្រតីរបស់ស្ថានទូតនិងស្ថានកុងស៊ុលប្រទេសចិនប្រចាំនៅកាណាដាដោយគ្មានហេតុផល ភាគីចិនសម្តែងការមិនពេញចិត្តយ៉ាងខ្លាំងចំពោះករណីនេះ។ឯកអគ្គរដ្ឋទូតចិនប្រចាំកាណាដាបានអធិប្បាយពីគោលជំហយ៉ាងម៉ឺងម៉ាត់របស់ខ្លួន និងតវ៉ាយ៉ាងខ្លាំងក្លាចំពោះមន្ត្រីទទួលខុសត្រូវរបស់ក្រសួងការបរទេសកាណាដា អំពីករណីនេះ ។
លោកស្រីMaoNingបានសង្កត់ធ្ងន់ថា មន្ត្រីនិងបុគ្គលិកការទូតនិងកុងស៊ុលរបស់ប្រទេសចិនប្រចាំនៅកាណាដាគោរពយ៉ាងខ្ជាប់ខ្ជូនចំពោះ អនុសញ្ញាអន្តរជាតិ និងបំពេញភារកិច្ចតាមផ្លូវច្បាប់។ ភាគីចិននឹងចាត់វិធានការចាំបាច់ ដើម្បីគាំពារយ៉ាងមុតមាំចំពោះផលប្រយោជន៍របស់ខ្លួន៕