នៅថ្ងៃទី៤ ខែឧសភា ទិន្នន័យស្ថិតិមួយចំនួនត្រូវបានចេញផ្សាយហើយបង្ហាញថាដោយសារការងើបឡើងវិញនៃការប្រើប្រាស់ក្នុងស្រុក សេដ្ឋកិច្ចរបស់ប្រទេសចិនបន្តបង្ហាញពីនិន្នាការងើបឡើងវិញនិងមានភាពល្អប្រសើរទៀត។
សហព័ន្ធចរាចរណ៍ទំនិញនិងការបញ្ជាទិញរបស់ប្រទេសចិនបានប្រកាសកាលពីថ្ងៃទី ៤ខែឧសភាថា សន្ទស្សន៍វិបុលភាពនៃឧស្សាហកម្មចរាចរណ៍ទំនិញរបស់ប្រទេសចិនក្នុងខែមេសាគឺ ៥៣,៨% ដែលបន្តស្ថិតនៅក្នុងចន្លោះកំណើន។
នៅក្នុងខែមេសា សន្ទស្សន៍ចរាចរណ៍ទំនិញធុរកិច្ចអេឡេត្រូនិករបស់ប្រទេសចិនគឺ ១០៩ ចំណុច កើនឡើង០,៧ចំណុចបើប្រៀបធៀបនឹងខែមីនាឆ្នាំ២០២៣។
លើសពីនេះ ការអភិវឌ្ឍសេដ្ឋកិច្ចក្នុងតំបន់នានានៃប្រទេសចិនក៏បានបង្ហាញពីនិន្នាការវិជ្ជមាននៃការងើបឡើងវិញផងដែរ។ តាម GDP សរុបក្នុងតំបន់ឃើញថា មានខេត្តចំនួន ១២បានលើសពី ១ទ្រីលានយាន់ប្រាក់ចិន។