“តើយើងចង់ក្លាយជារដ្ឋចំណុះរបស់មិត្តភក្តិមហាសមុទ្រអាត្លង់ទិច ឬក៏រក្សាទំនាក់ទំនងសន្តិភាពនិងឯករាជ្យជាមួយដៃគូពាណិជ្ជកម្មធំបំផុតរបស់យើង?”លោកស្រី Clare DALY សមាជិកសភាអឺរ៉ុបកាន់សញ្ជាតិអៀរឡង់ដែលតែងតែរិះគន់អនុត្តរភាពរបស់អាមេរិកនិងរំពឹងទុកថា អឺរ៉ុបអាចកែប្រែគោលនយោបាយអរិភាពចំពោះប្រទេសចិន បានលើកឡើងនូវសំណួរបែបនេះអំពីទំនាក់ទំនងរវាងអាមេរិកនិងចិនចំពោះអឺរ៉ុបនៅពេលថ្មីៗកន្លងទៅនេះ ។
កាលពីថ្ងៃទី២៨ខែមេសា លោកស្រី Clare DALY បានបង្ហោះវីដេអូអំពីការថ្លែងសុន្ទរកថារបស់លោកស្រីក្នុងកិច្ចប្រជុំពេញអង្គនៃសភាអឺរ៉ុបកាលពីថ្ងៃទី១៩ខែមេសាតាមបណ្តាញទំនាក់ទំនងសង្គម Twitter លោកស្រីបានចុះផ្សាយអត្ថបទលើវីដេអូនេះថា “អាណានិគមនិងភាពក្រអឺតក្រអោងដ៏គួរឲ្យអាម៉ាស់ដែលសំដៅចំពោះប្រទេសចិនគួរតែបន្សល់ទុកក្នុងអតីតកាល ។ បញ្ហានេះគឺងាយដោះស្រាយណាស់ ។ តើយើងចង់ក្លាយជារដ្ឋចំណុះរបស់មិត្តភក្តិមហាសមុទ្រអាត្លង់ទិច ឬក៏រក្សាទំនាក់ទំនងសន្តិភាពនិងឯករាជ្យជាមួយដៃគូពាណិជ្ជកម្មធំបំផុតរបស់យើង?ដោយឡែកដៃគូនេះមិនដែលទម្លាក់គ្រាប់បែកសូម្បីតែមួយគ្រាប់ទៅលើប្រទេសណាទាំងអស់ក្នុងរយៈពេល៤០ឆ្នាំកន្លងទៅនេះទេ ។”