ទិន្នាន័យថ្មីបំផុតបានបង្ហាញឱ្យឃើញថា ត្រីមាសទីមួយឆ្នាំ២០២៣ កំណើនសេដ្ឋកិច្ចអាមេរិកបានបង្អង់ល្បឿនយ៉ាងច្បាស់លាស់ ដែលទាបជាងការប៉ានប្រមាណនៃទីផ្សារ។ សេដ្ឋវិទូនិងឥស្សរជនអង្កេតការណ៍បានសម្គាល់ថា ទោះជាការចំណាយក្នុងទំនិញប្រើប្រាស់នៅតែជាផ្នែកសំខាន់នៃកំណើនសេដ្ឋកិច្ចក៏ដោយ ក៏ប៉ុន្តែបាតុភូតការថមថយចុះបានលេចចេញជាបណ្តើៗហើយ ។ លើសពីនេះទៅទៀត កត្តាមួយចំនួនដូចជា ប្រព័ន្ធបម្រុងសហរដ្ឋអាមេរិកបានដំឡើងអត្រាការប្រាក់យ៉ាងញឹកញាប់ និងភាពរង្គោះរង្គើនៃធនាគារអាមេរិកកាន់តែខ្លាំងឡើងៗជាដើម ប្រហែលនឹងអូសបន្ទុកកំណើនសេដ្ឋកិច្ចថែមមួយកម្រិតទៀត ដែលប្រហែលនឹងបណ្តាលឱ្យសេដ្ឋកិច្ចអាមេរិកធ្លាក់ក្នុងភាពថមថយចុះនៅចុងឆ្នាំនេះ។
តាមទិន្នាន័យដែលធ្វើការព្យាករណ៍ដោយក្រសួងពាណិជ្ជកម្មអាមេរិកដែលបានបង្ហាញនៅថ្ងៃទី ២៧ ខែមេសាបានឱ្យដឹងថា ក្នុងត្រីមាសទីមួយ ឆ្នាំ២០២៣ GDP អាមេរិកបានកើនឡើងចំនួន1.1% ដែលទាបខ្លាំងជាងអត្រាកំណើនចំនួន 2.6% ក្នុងត្រីមាសទីបួននាឆ្នាំ២០២២ផង ហើយក៏ទាបជាងចំនួន2%នៃការប៉ានប្រមាណនៃទីផ្សារផងដែរ។
លោក Jay Bryson សេដ្ឋវិទូកំពូលផ្នែកមូលបត្រនៃធនាគារ WELLS FARGO បានថ្លែងក្នុងរបាយការណ៍វិភាគមួយថា បច្ចុប្បន្ន កំណើនGDP នៃអាមេរិកសំខាន់ពឹងផ្អែកលើការចំណាយក្នុងទំនិញប្រើប្រាស់ , ប៉ុន្តែក្នុងរយៈពេលមួយខែពីរខែកន្លងទៅ កំណើននៃការចំណាយរបស់អ្នកប្រើប្រាស់ហាក់ដូចជាបាត់កម្លាំងចលករ ។ លោកប៉ាន់ប្រមាណថា ក្នុងប៉ុន្មានខែខាងមុខនេះ ចំនួនចំណាយជាក់ស្តែងក្នុងទំនិញប្រើប្រាស់របស់អាមេរិកនឹងបង្អង់ល្បឿន៕