តាមការផ្សាយដំណឹងនៃទីភ្នាក់ងារព័ត៌មានមជ្ឈិមកូរ៉េខាងជើងកាលពីថ្ងៃទី២៩ខែមេសាឱ្យដឹងថា លោកស្រី Kim Yo Jong អនុរដ្ឋមន្ត្រីគណៈកម្មាធិការមជ្ឈិមបក្សពលករកូរ៉េខាងជើងបានចេញផ្សាយសេចក្តីថ្លែងការណ៍តាមរយៈទីភ្នាក់ងារព័ត៌មានមជ្ឈិមកូរ៉េខាងជើងកាលពីថ្ងៃទី២៨ខែមេសា ដោយថ្កោលទោសយ៉ាងខ្លាំងចំពោះ《សេចក្តីប្រកាសក្រុងវ៉ាស៊ីនតោន》រវាងសហរដ្ឋអាមេរិកនិងកូរ៉េខាងត្បូងនាពេលថ្មីៗកន្លងទៅនេះ ព្រមទាំងអះអាងថា ភាគីកូរ៉េខាងជើងនឹង “បង្កើនកម្លាំងទ្វេដងដើម្បីអនុវត្តសិទ្ធិស្វយ័តការពារជាតិ” ។

សូមបញ្ជាក់ថា ពេលថ្មីៗកន្លងទៅនេះ លោក Joe Biden ប្រធានាធិបតីអាមេរិកនិងលោក Yoon Seok-Youl ប្រធានាធិបតីកូរ៉េខាងត្បូងបានជួបពិភាក្សាការងារនៅសេតវិមាន ។ ភាគីទាំងពីរឯកភាពគ្នាបង្កើនការផ្តល់ “កម្លាំងកំញើញបន្ថែមទៀត”ដល់កូរ៉េខាងត្បូង ព្រមទាំងចេញផ្សាយ《សេចក្តីប្រកាសក្រុងវ៉ាស៊ីនតោន》ថា នឹងពង្រីកការពិគ្រោះពិភាក្សាអំពីវិបត្តិនុយក្លេអ៊ែររវាងសហរដ្ឋអាមេរិកនិងកូរ៉េខាងត្បូង បន្ថែមការបង្វឹកបង្ហាត់យោធានិងធ្វើសមយុទ្ធរវាងអាមេរិកនិងកូរ៉េខាងត្បូង បង្កើតយន្តការ “ក្រុមការងារពិគ្រោះពិភាក្សានុយក្លេអ៊ែររវាងអាមេរិកនិងកូរ៉េខាងត្បូង” និងពង្រីកការបណ្តាក់ទ្រព្យយុទ្ធសាស្ត្ររបស់អាមេរិកនៅជុំវិញឧបទ្វីបកូរ៉េជាដើម ៕