តាមការផ្សាយដំណឹងថ្មីៗនេះឱ្យដឹងថា ពេលថ្លែងសុន្ទរកថានៅរដ្ឋសភាសហរដ្ឋអាមេរិក លោក Yoon Seok-Youl ប្រធានាធិបតីកូរ៉េខាងត្បូងបានអះអាងថា ក្នុងមួយសតវត្សកន្លងទៅនេះ សហរដ្ឋអាមេរិកបានប្រឈមមុខនឹងបញ្ហាដែលគំរាមកំហែងដល់សេរីភាព និងបាននាំមុខក្នុងការការពារសេរីភាព។ កងពលធំទីមួយនៃកងMarineអាមេរិកបានបំបែកយុទ្ធសាស្ត្រហ្វូងមនុស្សរបស់ចិននៅក្នុងសមរភូមិបឹង Changjin ហើយទទួលបានលទ្ធផលជាអព្ភូតហេតុ។ ទាក់ទិននឹងករណីនេះ លោកស្រី Mao Ning អ្នកនាំពាក្យក្រសួងការបរទេសចិនបានថ្លែងកាលពីថ្ងៃទី ២៨ ខែមេសាថា ប្រទេសចិនបានសម្គាល់ឃើញពីខ្លឹមសារពាក់ព័ន្ធនៃសុន្ទរកថារបស់មេដឹកនាំកូរ៉េខាងត្បូងហើយ។ លោកស្រីក៏បានបញ្ជាក់ផងដែរថា ជ័យជំនះដ៏អស្ចារ្យនៃសង្គ្រាមប្រទេសចិនជួយកូរ៉េខាងជើងប្រឆាំងនឹងការឈ្លានពានរបស់អាមេរិក មានសារៈសំខាន់និងវែងឆ្ងាយចំពោះប្រទេសចិន និងពិភពលោក។ វាបានប្រាប់ពិភពលោកដោយការពិតដែលមិនអាចប្រកែកបានថា ប្រទេសណាឬក៏កងទ័ពណាក៏ដោយ ដរាបណាវាមានទង្វើធ្វើបាបជិះជាន់គេ ដើរផ្ទុយពីនិន្នាការអភិវឌ្ឍន៍ប្រវត្តិសាស្ត្រ និងធ្វើការឈ្លានពានដើម្បីបន្តវាទទី នោះប្រាកដជាត្រូវបរាជ័យយ៉ាងដំណំ ។