ថ្ងៃទី២១ខែមេសាឆ្នាំ២០២៣លោកWang Wenbinអ្នកនាំពាក្យក្រសួងការបរទេសចិនបានគូសបញ្ជាក់ពេលឆ្លើយតបនឹងសំនួររបស់អ្នកសារព័ត៌មានក្នុងសន្និសីទកាសែតប្រចាំថ្ងៃថា ពេលថ្មីៗនេះមានប្រទេសមួយចំនួនបានឃោសនាបំប៉ោងថាប្រឆាំងនឹងការប្រើប្រាស់កម្លាំងបាយមកកែប្រែស្ថានការណ៍បច្ចុប្បន្ននៅច្រកសមុទ្រតៃវ៉ាន់ ការឃោសនាបំប៉ោងនេះបាននិយាយសទៅជាខ្មៅ ខ្មៅទៅជាស ជា”អន្ទាក់ពាក្យសម្ដី”បង្កប់ដោយចេតនាអាក្រក់។

លោកWang Wenbinបានលើកឡើងថា តើអ្វីជាស្ថានការណ៍បច្ចុប្បន្ននៅច្រកសមុទ្រតៃវ៉ាន់?នោះគឺទឹកដីនៃត្រើយសងខាងសុទ្ធតែជារបស់ប្រទេសចិន តៃវ៉ាន់ជាចំណែកមួយនៃប្រទេសចិន អធិបតេយេយ្យភាពនិងបូរណភាពទឹកដីរបស់ប្រទេសចិនមិនអាចបំបែកចេញពីប្រទេសចិនជាដាច់ខាតទេ។តើជានរណាចេះតែប៉ុនប៉ុងចង់កែប្រែសភាពការណ៍នាពេលបច្ចុប្បន្នទៅ? នោះមិនមែនជាភាគីមហាដីគោកចិនទេ ផ្ទុយទៅវិញគឺពួកអបគមន៍និយមចង់ឱ្យ“តៃវ៉ាន់ឯករាជ្យ”តែម្តងដែលព្យាយាមជំរុញ“តៃវ៉ាន់ឯករាជ្យដោយសន្សឹមៗ” ឃោសនាបំប៉ោង“កាត់ផ្ដាច់ចេញពីមហាដីគោកចិន”និងបង្កើត“ប្រទេសចិនពីរ”និង“ប្រទេសចិនផ្សេងតៃវ៉ាន់ផ្សេង”លើឆាកអន្តរជាតិ និងកម្លាំងខាងក្រៅដែលជ្រៀតជ្រែកកិច្ចការផ្ទៃក្នុងចិនដែលបំផ្លាញគោលការណ៍ប្រទេសចិនមួយ លក់សព្វវុធយ៉ាងព្រហើនឱ្យទៅតៃវ៉ាន់ ហើយស្រែកថា“ថ្ងៃនេះជាអ៊ុយក្រែន ថ្ងៃស្អែកគឺតៃវ៉ាន់”។ពួកគេទើបជាមេខ្លោងដែលបំផ្លាញស្ថានការណ៍នាបច្ចុប្បន្ននៅតៃវ៉ាន់៕