ថ្ងៃទី ២៧ ខែមីនា ករណីបាញ់ប្រហារមួយបានកើតឡើងនៅសាលាបឋមសិក្សាមួយនៅក្រុង Nashville រដ្ឋ Tennessee សហរដ្ឋអាមេរិក បណ្តាលឱ្យមនុស្ស ៦ នាក់ស្លាប់បាត់បង់ជីវិត ក្នុងនោះ រួមមានកុមារចំនួន ៣ នាក់ ហើយខ្មាន់កាំភ្លើងត្រូវបានប៉ូលិសបាញ់សម្លាប់ ។
យោងតាមទិន្នន័យនៃគេហទំព័រ "បណ្ណសារស្តីពីអំពើហិង្សាដោយកាំភ្លើង"របស់សហរដ្ឋអាមេរិកឱ្យដឹងថា គិតត្រឹមថ្ងៃទី ២៧ ខែមីនាឆ្នាំ ២០២៣ មានមនុស្សជាង ៩៨០០ នៅអាមេរិកបានស្លាប់បាត់បង់ជីវិតដោយសារអំពើហិង្សាដោយកាំភ្លើងនៅឆ្នាំ ២០២៣ នេះដែលបូករួមទាំងកុមារនិងក្មេងជំទង់ជិត ៤០០ នាក់ផងដែរ ៕