កាលពីថ្ងៃទី២៣ខែមីនា លោក Wang Wenbin អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទសារព័ត៌មានជាប្រចាំ ។
លោក Wang Wenbin អ្នកនាំពាក្យក្រសួងការបរទេសចិនបានលើកឡើងថា ១០ឆ្នាំមុន លោកប្រធានរដ្ឋចិន Xi Jinping បានគិតពិចារណាយ៉ាងស៊ីជម្រៅអំពីបញ្ហាសំខាន់ដូចជា តើត្រូវកសាងពិភពលោកបែបណាមួយ និងកសាងពិភពលោកនេះយ៉ាងដូចម្តេចជាដើម ដូច្នេះ លោកបានលើកឡើងប្រកបដោយលក្ខណៈច្នៃប្រឌិតអំពីការបង្កើតសហគមន៍រួមវាសនានៃមនុស្សជាតិ ។ ក្នុងរយៈពេល១០ឆ្នាំកន្លងទៅនេះ ការបង្កើតសហគមន៍រួមវាសនានៃមនុស្សជាតិបានប្រែពីគំនិតទៅជាការអនុវត្តជាក់ស្តែង ពីទស្សនទានប្រែទៅជាការពិតជាក់ស្តែង ពោលគឺទទួលបានសមិទ្ធផលដ៏ធំសំខាន់ដែលប្រកបដោយលក្ខណៈត្រួសត្រាយដោយគ្រប់ជ្រុងជ្រោយ ៕